عمرنا وحياتنا زي الساعه الرمليه كل يوم بيعدي بيبقي بسالب فعمرنا يا تري احنا مدركين دا ولا سرعه الحياه وروتينها نسانا اكبر حقيقه فحياتنا
الموت فكره مرعبه لمعظمنا
ورغم انه اكبر حقيقه فحياتنا وبتحصل قدامنا كل يوم بس احنا في حاجه بتقولنا اننا مش هنموت يمكن الحاجه دي تكون روحنا اللي فعلا مش هتموت
بس احنا وقتنا هيخلص عالارض ومش عارفين امتي
يا تري فكره الموت ممكن تبقي حافز لينا
فكتاب ١٠٠ طريقه لتحفيز نفسك
اول طريقه كانت انك تتخيل نفسك عفراش
الموت
بما ان قي حكمه ورا كل حاجه بتحصل فحياتنا
انا شايفه ان موضوع الكورنا بيمثل رساله تحفيزيه من ربنا لينا
كمان في ميزه من الحجر المنزلي ان الفتره اللي بنفضل فيها فبيوتنا كبيره
ودي فرصه اننا نتعرف علي نفسنا اكتر بعيد عن سرعه وزحمه الحياه ونعيد ترتيب الوليتنا وقيمنا ونمارس هوايتنا
ونرجع الجانب الروحاني فحياتنا ساعتها مش هنحس باي خوف لاننا عرفين ان حياتنا ووجودنا لحكمه ونهايه حياتنا برضو طبيعه محتومه
الكورونا جت عشان تعرفنا اننا دايما محاطيين باسباب الموت وان عمرنا مفهوش وقت نضيعه لاننا منعرفش وقتنا عالارض اد ايه يا تري هتختار تستهلك وقتك وعمرك فايه
هتفضل عايشها زي الناس والشله او جنب الحيط من غير ما تجازف وتجرب وتعرف انت بتحب ايه وتعالي صوت شغفك ومواهبك
من غير ما تحس ان الناس ممتنه ليك عشان بتعمل عمل محدش غيرك يعرف يعمله بحب واتقان زيك
زي احساس لما المراقب يقولك فاضل ربع ساعه ونلم الورق فالامتحان فتفتكر انك فامتحان اصلا وتحس بقيمه كل ثانيه فالربع ساعه مش هتفكر وقتها الناساللي فاللجنه بيبصوا عليك او حد بينده عليك هتبقي عايزه تكتب كل الافكار اللي فدماغك عالورق
اهو انت برضو محتاج تستغل كل مواهبك وطاقتك فالارض
الناس اللي بيتعرضوا لحادثه مثلا او بيحصلهم مرض يقربهم للموت لما بيرجعوا تاني بيرجعوا ياخدوا قرارت مصيريه فحياتهم ويبدوا حياتهم من جديد يعملوا اللي كانوا ماجلين من زمان
يا تري بعد الكوراث الطبيعه والزلازل والكورونا اللي حصلتلنا ف ٢٠٢٠ عشان تفوقنا يا تري فهمنا واستوعبنا الرساله
هنعمل ايه لما نستوعب الرساله
هنستفاد اننا نستحضر ان حياتنا ممكن تنتهي
هنستفيد اننا نعرف احنا ماشيين فالطريق الصح ولا لا
عايشين بالقيم المهمه بالنسبه لناومحددين اولوياتنا ولاماشيين بالبركه
هندرك اننا مش لازم ندي فرصه للناس تحكم علينا عشان مختلفين
نحب اختلفنا ونبقي ملهمين للي حوالينا يعرفوا ميزتهم واختلافهم
لما نعرف ان الحياه قصيره وممكن تنتهي فاي وقت هنخرج من منطقه راحتنا ونبدا نجرب حاجات جديده
والفلوس اللي كنا بنصرفها عشان نرضي العادات والتقاليد والناس هنصرفها فاننا نسافر ونشوف اماكن جديده وبناس وعادات وتقاليد مختلفه
هنمتن لربنا انه بيدنا كل يوم فرصه جديده ومدينا الوقت اننا نغير من نفسنا
ليه ربنا مخترناش نبقى من ضحايا الكوفيد
يمكن بيدينا فرصه اننا نتوب عن ذنب
يمكن لينا دور مهم فالحياه لسه هنعمله
انا مبتكلمش عن موت وكابه انا بتكلم عن ان فكره الموت ممكن تبقي حافز لينا زي ما فاي ماتش كوره الدقيقه الاخيره بتبقي حافز للفريقين
لو مكنش في وقت او نهايه للماتش مكناش هيبقي في اي حافز للعب الكويس
اللي اتخلقت عشانه دا مش لازم يبقي حاجه فظيعه ومفيش حد يقدر يقولك عليه غير نفسك
انت ممكن تكون فعلا بتعمل اللي اتخلقت عشانه بس ناقصاك تدرك انه مهم وتديله وقت وتركيز
دمتم ملهمين ومختلفين
السعادة قرار .. فكن سعيدا لأجلك٢٤ أيار ٢٠٢٣ | ٣ دقائق قراءة
قشَّة مُنقذة٨ تشرين ثاني ٢٠٢١ | ١ دقائق قراءة
ما هو مشروع الأبحاث العلمية التطبيقية؟٣ شباط ٢٠٢٢ | ٢ دقائق قراءة
تحكم في وقتك لتحقق أهداف !١٥ آب ٢٠٢١ | ٦ دقائق قراءة
التعليقات