كثير تجيني أسئلة بخصوص رحلة التشافي، ومعيقاتها .. كتبت هذه المدونة من قلبي لقلبكم .. دروس مهمة أنا مريت فيها خلال رحلتي الخمس سنوات الماضية ..



رحلة التشافي تفتح لك أبواب، مو شرط دخولها يكون سهل، بس الغالب يكون مستاهل ..


أبدأ الرحلة هذه بحب، حب لذاتك ولمعرفة دواخلك .. لا تبدأ وإنت في بالك "يارب متى أخلص" .. أدخل بفضول، وحماس، وحب للرحلة .. ذاتكتستاهل كل الوقت والجهد والمال وتستاهل تكون أولوية ..


عادي تجرب، وما يضبط معاك .. تجرب طريقة أو مختص أو مدرسة معينة، وبعدين تلاحظ إنها مو جايبة نتيجة .. كن فخور إنه الحمدللهعرفت على الأقل إيش اللي مو مناسب لك، وقربت أكثر من اللي مناسب لك .. وامضي قدمًا ..


ممكن تمر على مختص أو طريقة في رحلة التشافي وبعد فترة تقول كيف كنت مع هذا الشخص! أو كيف كنت مقتنع بهذا الشيء! كونلطيف بنفسك وأعرف إنه اللي طبقته أو الشخص اللي رحت له هو اللي كنت محتاجه في هذيك الفترة .. وكان مناسب لك ولوعيك وقتها ..


كل مختص له معتقداته وأفكاره ورحلة تشافيه هو الخاصة فيه .. مو ضروري ننسخ كل شيء منه بدون ما نستمع لحدسنا ولمنطقنا ..

قدرهم واحترمهم بس عادي لو اختلفت معاهم في وجهات النظر ..


لو مهما رحت لشخص يساعدك تفرغ مشاعرك أو تفكفك معتقداتك بأي طريقة كانت، دائما حتكون مسؤوليتك إنك تكمل الطريق، وتشتغلعلى ذاتك، وما تعتمد على أحد إنه هو اللي ينقذك من الواقع اللي إنت فيه ..


عادي لو أخذت راحة من الرحلة، وسويت شيء غير مفيد "من وجهة نظرك" أو عملت شيء سطحي .. عادي لو في يوم قررت ما تواجهالمشاعر، وما تفرغ ولا تفكفك معتقداتك وإنت في وسط مشكلة .. وعادي ترجعلك أنماطك القديمة قبل الوعي .. فقط كون لطيف واسمح، وأرجعلما تكون مستعد ..


الوعي أبدا غير مفصول عن ديننا .. الأنبياء والرسل عليهم السلام كانوا يتأملوا، ويختلوا بأنفسهم، ويتسائلوا ويتفكروا ..

واربط علومك بالدين، واستشعر قرب ربنا منك في كل خطوة ..


أتمنى تكون المدونة فادتك وعجبتك ..

اضغط ألهمني ❤️

وشارك المدونة مع شخص ممكن يستفيد منه  📨

وتابع الحساب للمزيد ✨🙏🏼


إقرأ المزيد من تدوينات م. طيبة يوسف

تدوينات ذات صلة