الكتابة في المدونة وحسابي على الانستقرام هو استثمار للوقت والجهد والعلم أنا قررت استثمره ❤️🙏🏼
ليش أنا باستثمر حسابي على ملهم أو على الإنستقرام؟
نيتي من حسابي الفائدة والإلهام .. نيتي كمان أوصل صوتي، وأعيش حقيقتي ..
نيتي أشارك علم، وتجربة، وأساهم في إنك إنت كمان توصل لحقيقتك
أتمنى إنكم تشوفوا حسابي كحساب حقيقي، لشخص صاحب تجربة، وقاعد يشارك من خبرته وتجربته، وكمان علمه
ومعروف قد إيش فضل ناشر العلم في ديننا ❤️
يهمني ألمس جوانب الحياة الطبيعية، فالحياة مو دائمًا وردية وحلوة .. في أيام تمر علينا مشاعر ما ترفعنا، وفي أيام تكون مليئة بالقوةوالنجاح!
لما أشارك أحيانًا تجارب ماتكون الأفضل، يكون بنية الطمأنينة إنكم مو لحالكم وكلنا بشر ونعدي في هذه المراحل
لما أشارك شيء حلو وعلم مفيد، أذكر نفسي إني بأعطي من مكان امتلاء ووفرة واتصال بمركزية الله .. بنية الاتصال بالقوة الإلهية، بنيةالتمكين والإلهام لكل شخص يشوف ويقرأ!
فإذا أنا سويتها فإنت كمان تقدر 💪🏼 وفرة وجود الشيء استشعار عظيم!
كمان بنية إني أقوي ثقتي وثقتك في ربنا، إنه إيوا الخير موجود في الدنيا!
بنية إني أكون ممثل لخير والسعادة واليسر اللي ربي ناشره في الكون ☀️
لو في شيء شاركته حلو بفضل الله وإنتوا تبغوه، ونفسكم يحصلكم، ممكن تلاحظوا كيف وصلتله وممكن هذا الشيء يلهم
أستاذتي أماني إسماعيل تقول "لا تصغروا من نفسكم بهدف إنكم ما تحزنوا الشخص اللي قدامكم .. ترى ممكن بإنكم تعيشوا حقيقتكموقوتكم، هذا الشيء يلهمه هو كمان يعيش قوته!"
يهمني أشارك من مكان حقيقي، وخطوات عملية .. أبدًا مو كلام في الهواء ولا كلام تنظيري .. ولكن أمور عملية، وحقيقية، وعشتها أو علمومبني على أسس فعلية وحقيقية
أبدًا مو الهدف إني أحسسكم إني "الفاهمة"، والدنيا في جيبي! ولكن بأشارك من تجربة وعلم، وكل شخص يقدر يأخذ اللي يبغاه ويترك الباقي
لما أنا بدأت آمن بنفسي أكثر، وأثق بقدراتي وقوتي اللي ربي أكرمني بيها، لقيت إنه الناس كمان بدأت تآمن فيا .. أصبحوا يتابعوا الحساب لإني آمنت وبدأت أسمح للقوة الداخلية اللي جوتي تنطلق
نيتي الاتصال بقوتي الداخلية، وتمكين لذاتي قبل ما يكون تمكين لغيري!
التمكين اللي نمكنه ذواتنا ممكن ينعكس على أحد ثاني ويُلْهَم
ونيتي إني أمارس رسالتي في الحياة وأكون خير خليفة في الأرض بإذن ربي
الكلام اللي كتبته في هذا المنشور هو الكلام اللي أنا بأقوله لذاتي دائمًا وبأذكر نفسي بيه
وأقلكم سر 😁
أحيانًا أرجع لبعض منشوراتي وكتاباتي عشان أقدر أقوي نفسي .. وأتذكر النوايا الخاصة في، وأراجع الكلام اللي أكون كاتبته من قلب!
أتمنى لكم قوة داخليّة وإلهامات وتجليّات عظيمة .. تتعجبوا منها، وتكون جزء أساسي من حياتكم، تنبهروا بيه دائمًا! 😉😍❤️
التعليقات