تجربتي في التنفس التأملي

مؤخرًا أصبحت ولله الحمد ممارس معتمد في التنفس التأملي🧘🏻‍♀️من خلال دورة أخذتها مع أستاذ طلال خلف.. تجربة كانت عميقة وعنت ليالكثير!

في أغلب التجارب اللي أعدي فيها، أحاول انتبه للتجربة بشكل شامل، وانتبه لأفكاري ومشاعري خلالها، ولله الحمد أغوص في داخليوأراقب، وأحلل وأبدأ أعالج.. مو بس آخذ اللي ينعطى لي في الدورة أو العمل وخلاص.. ولكن أحاول أنظر لكل تجربة بإنها فرصة عميقةللتطور .. وهذا شيء الكل مهم يعمله 💪🏼

حأطلب منكم تقرأوا وإنتوا مستشعرين إنكم مو لحالكم .. وكلنا نتعلم من بعض، وكل أحد منكم ممكن يمر بتجربة مثل هذه تعلمه، أو يتعلممن تجارب الثانيين ❤️🙏🏼

في هذه التجربة،

اشتغلت على إني أكون عطوفة على نفسي، وما أقارن تجربتي بتجربة أي أحد ثاني حولي.. صح إحنا في نفس المكان، وبنعمل نفسالتمارين، بس كل واحد له رحلته في هذه الحياة، وخلفيته واحتياجاته غير الثاني

مارست إني أثق في جسمي وفي عقلي ومشاعري وتنفسي واللاواعي حقي، وإنه اللي حيخرج من أمور قديمة عالقة هي اللي أنا جاهزةأتعامل معاها، وماله داعي أقسى على نفسي وأحط على نفسي ضغط

أتأكدت من إنه جسمي يعرف احتياجاته! ومو دائمًا العقل هو اللي لازم يحلل، ويتحكم! أحيانًا مهم نراقب العقل، بس ما نسمع كلامه ..

مارست أكثر إنه أعطي جسمي وعقلي اللاواعي ومشاعري وأفكاري كل الوقت والاهتمام اللي يحتاجوه .. وإحنا كلنا موجودين عشان بعض،ونثق في بعض، ونقدر نوصل لبر الأمان سوا ❤️

اشتغلت لتعزيز إنه مافي شي اسمه "كان لازم أبكي أكثر، أو أفرغ أكثر، ولا أنا ما استفدت من التجربة مثل ما المفروض"!

ومن مراقبتي لنفسي ولحواري الداخلي، عرفت إنه مافي مفروض!

انتبهت على إنه الأحكام اللي جالسة أطلقها على المدرب وعلى المتدربين حوليني، ما هي إلا برمجات..

واتعلمت إنه الحياة حلوة وسهلة، ولما نعاملها كلعبة، حنستمتع ونسمح للبهجة والسعادة والضحك يكونوا جزء أساسي من حياتنا 😍

اتعلمت أدعم نفسي، وما أخاف لو كنت لوحدي في تمرين التنفس، وإنه مو دائمًا حأحتاج أحد "ينكشني" عشان أقدر أفرغ!

اتعلمت من عيشي لهذه التجربة بحضوري الكامل، إنه لو في عضو في جسمي يوجعني، ومو عارفة إيش العضو هذا محتاج، عادي إنيأجرب حركات مختلفة عشان اكتشف.. وكأني بأسأل جسمي، هل حركة يدي كدة حتريحك؟ هل النفضة هذه هي اللي محتاجها الآن؟ هلالجلوس الآن أفضل أو الوقوف؟ وهكذا

عززت عندي خطوة إنه دائمًا أطلب العون من ربنا.. لو مهما كنت أثق في الطريقة والآلية، ولكن كله بيد ربنا، وكله بمساعدة وعون ربي.. وكله،حقيقي كله، بتوفيق ورحمة ولطف من الله عز وجل (حبيبي يا ربّي ❤️)

عززت عندي إنه النية بداية كل شي، وأساس مهم للتوفيق، وربي دائمًا حولنا، ومعانا في كل لحظة .. حتى لحظات خوضنا في تجارب خاصةوعميقة مع نفسنا فقط ❤️

اكتشفت في التجربة إنه مره يفيد إني أجرب مع نفسي، في هذه الأيام، هل التمرين حقي أعمله في الليل أفضل لي ولتجربتي، ولا النهارأفضل؟! وانفتح على الجواب

اتشجعت إنه عادي أطلب المساعدة لو احتجت، حتى لو كانت في آخر لحظة .. ولو اتحققت هذه المساعدة معناته كانت مكتوبة لنا، وكل الليكان علينا إننا نطلب 💖 كلنا نستحق الدعم!

اتعلمت إنه مو دائمًا ضروري نعبر عن الشعور بقسوة، أحيانًا لما نسمح للشعور يعدي وإحنا بنتنفس وحاضرين، نقدر نشعر فيه ونفهمرسالته بشكل أعمق 🌊

اتعلمت الانفتاح والتقبل مشاعري، وللطرف الآخر، والاحتواء لبعض حتى لو نختلف في المعتقدات أو الأفكار 🙏🏼

أتأكدت إنه ربنا يحط أشخاص في طريقنا، ويكونوا هم اللي فعلًا إحنا محتاجينهم .. وكل تجربة مع كل شخص تكون فريدة، وتكون هيالمطلوبة في هذاك الوقت وهذاك الزمان

وعِيت إنه على قد ما أنا أحب الأمور العمليّة والتجربة، وما يهمني كثير الحفظ والفهم العميق للأمور العلميّة والتحليلية، اللي وراء الكواليس،بس جاني الإلهام بإنه الأمور العلميّة مهمة جدًا كأسس وقواعد لبناء تجربة متكاملة 👌🏼 الشمولية مهمة

مارست الامتنان أثناء التجربة، بالرغم من التحديات، بدلًا من إني أعيش وأستشعر الامتنان بس بعد ما تنتهي التجربة! دائما نرجع نفسنالعيش اللحظة بكل تفاصيلها

انتبهت إني ما أبغا أكون عجولة، وأرجّع نفسي دائما للأخذ بالأسباب والتوكّل .. وأثق في نيتي، وفي سعيي، وفي رب العالمين قبل كل شي .. التسليم قيمة مهمة 💖

اتعرفت على أرواح نقية، ساهموا في رفع مستوى هذه التجربة بشكل يفوق الوصف 💖🙏🏼

كنت دائمًا أذكر نفسي إنه كلنا واحد، لو أُعجَبت بشجاعة أحد، أو تجربة أحد .. وحتى لو اتنرفزت من طريقة أحد، برضه أذكر نفسي إنناواحد .. ولكل شخص دروس في حياة الثاني، وإلا ماكان أتقابلنا في هذا المكان الفريد وهذه التجربة العميقة

الحمدلله على تيسير عمق التعلم، والحمدلله يارب إنك وهبتني عيش التجارب بعمق وتحليل واستنارة .. الحمدلله على التطور واليقظة والحضور.. شكرًا ربي .. ومن ثم شكرًا أستاذ طلال ..

أتمنى إنه الإضاءات هذه تلامسكم، لأنها ممكن تنطبق على حياة كل شخص، في أي تجربة، مهما كان مجالها وعمقها .. وهذا هدفي منالمشاركة، إنه ممكن شيء من اللي أضاء معايا، يلهم أحد في رحلته 💖

حبيت أشارك اللي اتعلمته وخضته عشان ممكن يلامسك، ويلهمك، وتحس إنه كلنا واحد وبنعدي بأشياء متشابهة! وتستفيد 🙏🏼💖 ..

أتمنى لكم غوص عميق في دواخلكم مع كل تجربة تخوضوها، بكل يسر وحب وبهجة واتصال ☘️🌿

أتمنى لكم دائمًا وأبدًا تجارب عميقة، تتعرفوا فيها على ذواتكم، تراقبوا وتكتشفوا، وتعطفوا وتسمحوا 🙏🏼