قوانين ممدوح

قوانين تدور حول الحياة بشكل عام أو حول مواقف قد تناسبك جيداً و تشعر أنك أنت المقصود

مما لاشك فيه أننا جميعاً نتمنى أن يرتبط شئ ما فى هذا العالم بأسامينا الشخصية .. شعور عظيم أن يكون هناك ما يُستخدم و يُعرف بين البشر و عليه ما يشير إليك أنت !

بلاشك هذا لن يحدث من قبيل الصدفة أو الحظ ف أنا لا أؤمن بالصدف كلياً خاصةً فى حالة إستمرار النجاح أما اللقطات العارضة العابرة والشهرة الكاذبة تحدث من قبيل الصدفة و تنتهى أيضا سريعا

تعرضت يوما ما لقوانين ميرفى والتى ذاع صيتها كثيراً هذة الأعوام و لمن لا يعرف فإن - قانون ميرفى أو مورفى، ينسب للكابتن إدوارد مورفى، الذى كان يعمل مهندساً فى قاعدة إدواردز الجوية فى الولايات المتحدة عام 1949م، وكان يعمل فى مشروع قياس مدى احتمال الجسم البشرى للتباطؤ المفاجئ فى السرعة.

و لمعلومات أكثر حول قوانين مورفى ف ما أعظمه جوجل !

و لمعلومات عن قوانين ممدوح ف إليكم مدونتى بين أيديكم !!

لا أخفيكم سرا أردت أن أجرب شعور ماذا لو كان لى قوانين شخصية ولكن ليست بدافع السخربة أو التشائم أعوذ بالله

ولكن هى جزء من محتوى أحاول نشره بإستمرا للعالم فهى سلسلة من القوانين نشرتها على موقع التواصل الاجتماعى تويتر على مدار 26 يوم متتاليين ، حظيت ببعض التقدير و التشجيع من الأصدقاء حتى أن كنت أقابل أحدهم ف يحدثنى عنها وعن القانون القادم !

كان هذا بمثابة دعم لى و حسن تقدير من الأصدقاء.

ستشعر أنها

قوانين تدور حول الحياة بشكل عام أو حول مواقف قد تناسبك جيداً و تشعر أنك أنت المقصود ،، لحظات خوف و لحظات جرأه

لحظات حب و لحظات هجر ، لحظات ضحك ولحظات جد و بينهم بعض النصائح الخفيفة التى نحتاجها أنا وأنت.. بإختصار هى لحظاتى و لحظاتك يا صديقي ..

وبمناسبة إكتمالى عامى الرابع والعشرون ، أردت أن أشارك العالم من خلال أربع وعشرون قانوناً أسميتهم قوانين ممدوح و ربما زادو بزيادة التجارب الشخصية المستقبلية ,,

• قانون ممدوح رقم 1 :

" لو قمت تعمل قهوة لنفسك، أبوك هيقولك أعملي فنجان".

• قانون ممدوح رقم 2 :

"يغور الإنسان الغبي".

• قانون ممدوح رقم 3 ( مخصوص عشانك ) :

"إنتي حلوة بالكمامه برده".

• قانون ممدوح رقم 4 :

"العربية مش هتبقى متاحه معاك ف اكتر الأيام إللي محتاجها جدا".

• قانون ممدوح رقم 5 :

"الصدفة مش هتجمعك وش ل وش بحد نفسك تقابله ف أقرب وقت" .

• قانون ممدوح رقم 6 :

"حمام الكافيه فاضي لحد م أنت تقرر تدخل هتلاقي طوب الأرض بيخبط عليك"

وغالباً صوتك مش بيتسمع ف 90٪ من البشر بيقرر يفتح

ف متنساش تتربس بقي لمصلحتك .

• قانون ممدوح رقم 7 :

"فجأة و ف وقت ما غصب عنك هتحس إن مفيش مجال للدلع".

• قانون ممدوح رقم 8 :

"الواقع تربة خصبة للعادات السيئة ، للأسف".

• قانون ممدوح رقم 9 :

" الصحيان بدري بدون أسباب مصدر سعادة ".

• قانون ممدوح رقم 10 :

" Simplicity is always beautiful "

• قانون ممدوح رقم 11 :

" تلتين السعادة ف إن الطرف التاني يفهمك"

و التلت الأخير ف إنه يبادلك .

• قانون ممدوح رقم 12 :

"متحاولش تبقي إنسان مثالي ، حاول بس تبقي إنسان سويّ" .

• قانون ممدوح رقم 13 :

" متستناش أي حاجة مفيدة أو حلوة ليها علاقة برقم 13 أساسا"

• قانون ممدوح رقم 14 :

"مفيش حاجه اسمها مفيش شغل ، إللي بيدور بيلاقي بتفاوت الفرص و مستواها

وقتها أنت إللي بتقيم إللي يناسبك".

متقعدش مريحها وتقول مفيش شغل.

• قانون ممدوح رقم 15 :

" وأنت داخل مكان متمسكش الموبايل كأنك بتابع البورصه وأخبار الشركات الخاصة بسعادتك

فكك عشان اتهرست من زمان ، قابل المكان بوشك متتروش

محدش باصص عليك" .

• قانون ممدوح رقم 16 :

"لازم يبقي ليك منتور ف أسرع وقت مهما كان سنك" .

• قانون ممدوح رقم 17 :

"فورمة الصيف بتتعمل الأيام دي تحديداً ، اتحرك متكسلش".

• قانون ممدوح رقم 18 :

"لو حد نفسك تشوفه ، ولمحته و اتبسط .. هتتبسط اكتر لو خليته يشوفك وكأنك مش واخد بالك".

• قانون ممدوح رقم 19 :

" تخفّفّ" .

• قانون ممدوح رقم 20 :

"إللي بيتمكن بيستسهل" .

• قانون ممدوح رقم 21 :

" التحكم ف المشاعر أوقات أصعب من أصعب امتحان استركشر" .

• قانون ممدوح رقم 22 :

" أنت محتاج local business مش start up ف متسوحش نفسك".

• قانون ممدوح رقم 23 :

" سلاماً علي الدنيا إن لم يكن بها صديق جدع و حبيبة رايقة ".

• قانون ممدوح رقم 24 :

"فكك من تغيير العالم كله و خليك في محيط تأثيرك البسيط الصغير ده ،هتكون جزء من التغيير

يكفيك تبقي جزء من التغيير فقط ".

و أخيرا قانون ممدوع رقم 0 :

" مش كل صاحب فكرة ينفع يكون مدير مشروع" .

أنتهت.