رجل القطار " الجزء الرابع "

انت عارف يا محمد ان قعدتنا جمب بعض دى مش صدفه لان مفيش حاجه اسمها صدفه ! كل ده مكتوب و اكيد ده سبب لأمور تانى

مرت ثلاث ليالى على اقامتى فى القاهرة ، أذهب صباحا لقضاء بعض المصالح الحكومية و ليلاً أخرج للسهر مع الاصدقاء .

حقيقة ، لم افكر فى رجل القطار ، طيلة الرحلة فلاداعى للتفكير في تلك الأمور أثناء قضاء اجازة سعيدة.

ولكن ذات ليلة تذكرت بعض كلمات قالها لى جارى اثناء السفر و نحن ف القطار ، عبارة لم أتذكر سواها و لم اعلم ايضا لماذا تلك العباره الوحيدة التى تذكرتها فى سفرى .

حيث قال لي سيادة اللواء : " انت عارف يا محمد ان قعدتنا جمب بعض دى مش صدفه لان مفيش حاجه اسمها صدفه ! كل ده مكتوب و اكيد ده سبب لأمور تانى . انت تركب قطر مش حاجز فيه و تقعد جمبى وانا راكب القطر ده صدفه كمان غير مسكتك للكتاب دى لفتت انتباهى و ده خلانى افتح معاك موضوع الشيخ صلاح . عشان كده كل ده مرتب له .. "

انا : سبحان الله يمكن

حقيقة ، تذكرت تلك الكلمات جيدا و لكنى لم اهتم ...

رن هاتفى صباح يوم الثلاثاء - ابى المتصل - بعد التحيه و السلام التى تتكرر مرارا و تكرارا خلال اليوم الواحد

ابى : روح مدينة اكتوبر عشان تجيب شماسات للعربيه

انا : بلاش المشوار ده عشان بعيد عنى و انا هبقى ف السفاره النهارده

ابى : لا بالعكس ده انت هتركب من عبدالمنعم رياض و هتبقى سهله عليك

انا : يا ريس بلاش مش عاوز اروح

بعد 4 مكالمات من ابى و كأنه الحاحا لى كى اذهب هذا المشوار

و يعد امتعاض منى . خلاص هروح ان شاء الله

كان معى صديقى الصدوق - جاسر سامى - طبعا رفض الذهاب معى و لكنى عرفت كيف اقنعه

بالفعل اقتنع سريعا عندما اخبرته ان " موصلاتك عليا يسطا رايح جاى " تلقى العرض في سعادة غامرة

ذهبنا لمدينة اكتوبر كى أشترى الشماسات لسيارتنا الخاصة . و حينما دخلنا محل قطع الغيار الذى اخبرنى به والدى