تُتابع ما يفعله الجسد ف عالم الواقع . تمده بما يوجد ف كتابه عند الله من حيث ولد الإنسان ، كأنها تأمره بما يفعل
تنويه : هذا الجزء أطولهم و أكثرهم معلومات ، لذلك ينصح بقرائته فى وقت فراغك و هدوء أعصابك :D " ينصح أيضا بالعوده للجزء الاول لربط الأحداث و شكراً
بدايةً ، أود أن أذكركم ببعض الأشياء و لكننى أيضا أريد الدخول ف صلب الحدث سريعاً ، لذا دعونا نسترجع معاً
الرجل الستينى ذو البدلة القديمة ، نتذكر الطائرة الذهبية المعلقة على بدلته أيضا ذلك الدابوس المكتوب عليه " الأشراف المهدية " . لا ننسى كتاب الله فى الإسلام للدكتور / مصطفى محمود ...
عمو الحج : يااه دكتور مصطفى محمود العلامه المحترم الله يرحمه ،، كتاب " الله فى الاسلام " انت إسمك ايه يابنى ؟
انا : محمد ممدوح
عمو الحج : بتقرا الكتاب ده ليه ، لم أتعجب من السؤال كالعاده - تطفل العواجيز- ؟
انا : محتاج أعرف بعض الحاجات اللى لازم أعرفها ، محتاج أرتب و أنظم تفكيرى حول الدين و أستنتج معانى الذات الالهيه ، محتاج أستفاد من مصطفى محمود ..
عمو الحج : اهااااا قولتيلى ، ربنا يكرمك ..
عمو الحج : بص يابنى ... الدكتور مصطفى محمود ده راجل عظيم و مستكشف محترم و ربنا يرحمه و يتقبل منه أحسن أعماله
انا : اللهم امين
عمو الحج : انت منين يا محمد
انا : المنيا
عمو الحج : بتشتغل أيه
انا : طالب بكالريوس هندسة مدنية
عمو الحج : اها مشاء الله ربنا يوفقك و كمان مثقف ، دى حاجه عظيمه اوى
انا : ربنا يبارك في حضرتك
عمو الحج : بص يا محمد لو حابب تعرف عن دينك يبقى لازم توصل لربنا من طريق عالى !
انا : *مستغرب ولكنى عامل فاهم* اها صح
عمو الحج : مصطفى محمود ف كتبه كان بيتكلم عن البدائيات و عن حاجات بسيطه ، هى أكيد صح و ده مثبت و لكن مش كل كتاباته تثير و تحفز عقول الناس اللى بتبحث عن عمق الدين ...
عشان كده انت اما تحب تعرف و تستزيد ف الدين لازم تمسك كتب متأصله ، لازم توصل لربنا من خلال باب عالى ..
انا : لم أتفوه طيلة حديثه إلا بـ اها او فعلا صح ....
أما عن القطار بعد ان كانت الامور ميسره ، انقلبت الى عذاب الجحيم حيث كأنه يسير على خيط معلق بين برجى التجارة العالميين ف الولايات المتحدة . بطء يجيب صداع - على رأى الإعلامى مدحت شلبى - .
تطرق بنا الحديث فى مواضيع كثيره ، شعرت أننى جالس أمام احد المتصوفه او ربما أحد أحفاد سيدنا الحسين
كان يفاجئنى بمعلومات ، لأول مره كنت أعلمها ، و هنا أخرج من جيبه ورقه تبدو كورقة الدعاية حيث أحد وجهيها نتيجة للعام الميلادى 2016 و لكن دعونا للوجه الأهم .
صورة لرجل ملتحى كأنه أحد السلف و مكتوب تحته الشيخ عبدالله /صلاح الدين القوصى .
و من تحت يكتب بالانجليزيه www .alabd .com
عمو الحج : أهو يا محمد يا بنى سيدنا الشيخ صلاح القوصى ده من العلماء الكبار جدا و له مئات المؤلفات الشعرية و الكتب الدينية وله نظريات فى علوم الدين الإسلامى و ده هينفعك جدا
"ده هيكون طريق لله يوصلك و انت على درايه بـ أصول الدين"
الشيخ صلاح اهتم بطريقين أحداهما بالقلب او الروح و شاف ان لازم الإنسان يوصل لربنا عز و جل عن طريق روحه و قلبه لازم يوصل لربنا من جوه
و الاخر : سيدنا رسول الله
انا : عليه الصلاة و السلام ، اها صح فعلا .
عمو الحج : سيدنا الرسول عشان هو اللى ربنه جعله حلقة الوصل بينا و بينه هو الطريق اللى ربنا وضعه على الأرض عشان نوصل إليه من خلاله و عشان كده الرسول لم يرسل للمسلمين فقط و إنما كان " و ما أرسلناك إلا رحمة للعالمين "
ده ببساطه الشيخ صلاح بياخدك من الطريقين دول عشان يوصلك لربنا عشان تعرفه صح
انا : اها فعلا مشاء الله
القطار لم يصل إلى منتصف الطريق !!
الرجل الستينى مازل يتحدث حتى أنسانى ما قرأته عن مصطفى محمود
تطرق بنا الحديث الى الأراوح حيث قال لي :
" إن الأرواح خلقها الله عز وجل جميعها مره واحده و هى موجودة ف عالم الملكوت ، تُتابع ما يفعله الجسد ف عالم الواقع . تمده بما يوجد ف كتابه عند الله من حيث ولد الإنسان ، كأنها تأمره بما يفعل ، حتى تلتفت عنه كل ليل فينام الإنسان و تعود بنظرها اليه فيستيقظ و هكذا حتى تلتفت عنه نهائياً ف بذلك يموت الانسان" ..
أخبرنى بأن الأرواح كلها فى عالم الملكوت و هذا دليل على اننا نرى الرؤيه ف منامنا حيث أنه إذا مات عزيز ف من الممكن أن يأتى لك فى رؤيه يحدثك و يخبرك ببعض الغيبيات .
و أيضاً في اليقظة قد نغمض عيننا و يتمثل لنا أشخاص قد رحلو عن عالمنا . و لأنه لم يوجد جسد مرئى ملموس ف تلك هى الأرواح التى تأتى بأمر ربها لمن يشاء ..
و بذكر عالم الملكوت حدثنى أيضا عن العوالم الخمسة التى خلقها الله و هى :
الاوّل: عالم الذات، وهو ما يطلقون عليه باللاهوت والهويّة الغيبيّة، والغيب المجهول، وغيب الغيوب، وعين الجمع، وحقيقة الحقائق، ومقام أو أدني، وغاية الغايات، ونهاية النهايات، والاحديّة.
الثاني: عالم الصفات، وهو ما يطلقون عليه بالجبروت، وبرزخ البرازخ، والبرزخيّة الاُولي، ومجمع البحرين، وقاب قوسين، ومحيط الأعيان، والوحدانيّة، والعماء.
الثالث: عالم الملكوت، ويسمّونه كذلك عالم الارواح، وعالم الافعال، وعالم الامر، وعالم الربوبيّة، وعالم الغيب والباطن.
الرابع: عالم المُلك، ويطلقون عليه كذلك عالم الشهادة، والعالم الظاهر، وعالم الاثار، والخلق، والمحسوس.
الخامس: عالم الناسوت، ويطلقون عليه كذلك الكون الجامع، والعلّة الغائيّة، وآخر التنزّلات، ومَجْلَي الكلّ.
فالعوالم الثلاثة الأولى من هذه العوالم الخمسة هي ضمن عالم الغيب، لأنها خارجة عن عالم الإدراك والحواسّ. وأمّا العالمان الاخران فهما ضمن عالم الشهادة، لأنهما محسوسان بالحواسّ.
انا : ياااه سبحان الله اول مره أعرف الكلام ده .
مرت ثلاث ساعات - دون فواصل إعلانيه - او خروج حمام مثلا ولا حتى وقت مستقطع !
هذا الرجل العجيب يتحدث و يروى لى كل تلك الحقائق الدينية التى لم اكن أعرف معظمها من قبل
حتى أنه تحدث معى فى أشياء اخرى لم اتذكرها ليومى هذا و يبدو أن عقلى لم يكن يستوعب كل هذا
الحديث كأنه مبارة كرة يد بدون وقت مستقطع !!
ثلاث ساعات جعلتنى اتيقن انه احد العلماء المتصوفين الذين على درايه بالروحانيات .
عمو المتصوف : احنا عندنا مكتبات يا محمد و مألفين كتب كتير
أبقى ادخل على موقع العبد و هتلاقى كتاب "محمد نبى الرحمه"
و " محمد مشكاة الأنوار "
و من أفضل الكتب اللى هتلاقيها كتاب " أصول الوصول "
و ده ـهمهم يا محمد ياريت تقرأ هذا الكتاب لأن الشيخ صلاح الدين القوصى وضع فى مقدمته
كل ما تحتاجه
مقتبس : " إن الشيخ صلاح يعلم أنّ الإنسان، وبسبب الشموليّة التي تشكّل أصل الفطرة فيه، يمكن لحقائق الاُمور بعد التنقية والتجلية أن تنكشف له، وأن يتوصّل إلی العروج والسير والطيران في الافلاك والعوالم الملكوتيّة والجبروتيّة اللطيفة، وأن يسبح في بحر تجلّيات الاثار والافعال والاسماء والصفات والذات، ليري بعين البصيرة، ويمتّع ناظريه بجمال ذي الجلال الوهّاج، فيفني الوجود المجازيّ والتعيّن للسالك في فيض نور تجلّيات الذات الاحديّة، وبعد أن يفني في الله تعالى ويذوب فيه، يعود ويخلد به جلّ جلاله، يري الحقّ ويعرفه حقّ معرفته، ويتمّ المراد من خلق الكون، وهو المعرفة " ..
انا لم أفكر في اى كلمه مما يقول غير أننى كنت ارد عليه : اها صح فعلا !!
و بعد ثلاث ساعات من الكلام المسترسل الذى لم يتوقف للحظه واحده خروجا من نقطه دخولا لنقطه اخرى مرورا ب نقاط مختلفه !!
عمو المتصوف ! : انت رايح فين ف القاهره
انا : مدين نصر
عمو المتصوف : طب كويس انا ساكن عند نادى السكه تعالى معايا ف التاكسى
-لم يكن يعلم انه يتحدث مع اكتر واحد بيخاف من الناس الغريبه عنه - نعم يا ساده !
انا : لا شكرا انا فى عربيه هتيجى تاخدنى .
عمو المتصوف : هتعمل ايه ف القاهره و قاعد أد ايه و مع مين ؟؟؟
انا : هخلص ورق و قاعد يومين او ثلاثه عند واحد صاحبى ...
عمو المتصوف : طب كويس ابقى هات صاحبك و تعالى عندى مكتبه فيها كتب كتير ابقى تعالى خد اللى انت عاوزه . لو عندك فلاشات هات معاك هديك صوتيات كتير و هات واحده تانى هديك عليها فيديوهات للشيخ صلاح على قناة المديح و كمان شوية مدح هيعجبوك او من اللى قلبك يحبهم .
انا : خلاص هحاول ان شاء الله
قبل ان يكمل احاديثه التى كنت اشتهيها حقا لكنى صدعت اقسم بالله . قلت له بعد اذنك هكمل قرايه ...
اخذت اقرا و اندمج فى تفكيرات و رؤى مصطفى محمود ، و جانبى هذا المتصوف يجرى بعض اتصالاته
اجرى 5 اتصالات . احدهم رجل و البقيه يتحدث مع نساء ...
الرجل كان احد الظباط -لم اتذكر اسمه- يعمل فى منظمة اليونسكو و ملخص المكالمه انه طلب منه معرفة امكانيه طبع نسخ للكتب الدينيه التى تتحدث عن الرسول الكريم ، للغات مختلفه و توزيعها بالخارج لنشر تعاليم سيدنا رسول الله ..
اما اتصالات النساء : احداهن كانت تطمئن عليه و محضراله اكل ف البيت و بتقوله اتأخرت ليه ..
اخرى كانت تتحدث معه عن "الحضره السابقه " و " الحضره القادمه "
اخرى تتحدث عن مولد ستنا فاطمه - محدش يسألنى مين دى لانى مش عارف - و ايضا عن مولد سيدنا الحسين
هذا الرجل المتصوف - كما لقبته من حديثه - يهتم بالموالد و يقضى حياته ف سيدنا الحسين ،
و هذا م استنتجته حينما دعانى للذهب لحضور بعض الحضرات القرآنيه و التى يتم فيها الذكر و التسابيح
انا : ربنا يسهل ان شاء الله
المتصوف : خد سجلى الرقم ده باسم : *سيده* و مره اخره ده باسم *سيده* و هكذا لثلاث نساء
اما انا ف قد سجلتله تلك الأسماء و أنا فى حيره ، هل هذا المثقف اُمى لا يقرا ولا يكتب ؟!
عمو المتصوف : ان شاء الله نتقابل يا محمد ف القاهره عشان أعرفك عن حاجات كتير ف الروحانيات و خاصة اهديك نسخه من كتاب "اصول الوصول" اللى هيفيدك ، خد رقمى خليه معاك .
انا : ان شاء الله و انا لا زلت خائفا ،، سجلت الرقم و سألته فكرنى باسم حضرتك ؟ !!
رد المتصوف : انا اللواء ... مدير سابق ف مركز المعلومات بالقوات المسلحة و الإداره اللوجستيه
انا : بكل رحابه صدر و فى طيات نفسى و فى سرى قلت " أحيــــــــــــــــــــــــــــــــــــــه " متخفيه تحت إبتسامة عريضة بكل تأكيد...
التعليقات