كتبت في هذه التدوينة عن مخاطر الرجيم القليل بالسعرات الحرارية و انه ممكن ان يزيد الوزن لذا احذرو من رجيم الحرمان
الرجيم بيزيد الوزن !!
كلنا بنحب نلاقي نتائج سريعة في اي شي بالدنيا و لكن عمرك سمعت جملة ( أي شي بيروح سريع برجع سريع ) أكيد كلنا سمعنا هاي الجملة بس شو صحة الجملة هاي ؟ و شو دخلها بموضوع اليوم ؟ خلينا نشوف من خلال هاي المقالة المبسطة .
المشكلة الي دايما بنوقع فيها بالرجيم .
ألا و هي الحرمان, الناس لما تحرم حالها من الأكل الي هيا بتحبه و تشد على نفسها كثير رح يجي يوم تاكل الأخضر و اليابس لأنه حرمت حالها من ملذات الحياة و طبعا بعد ما تاكل الأخضر و اليابس جسمها رح يصير يخزن دهون اكثر من قبل لانه فكر نفسه بحالة مجاعة فا صار يخزن الأكل على شكل دهون عشان اذا صار مجاعة تانية ( رجيم الحرمان ) و رح يتمسك بالدهون أكثر من قبل .
ناخد مثال !!
بنت كان وزنها 80 عملت رجيم لمدة اسبوعين وصلت وزن 70 بس حست انها تعبت من الرجيم تركته و رجعت تاكل بشراهة كبيرة فا صار وزنها 85 بعدين سوت رجيم مرة تانية وصلت ل75 بعدين تركت الرجيم و وصلت 90 و هكذااا .....
طيب هيك هيا ما استفادت من الاشي الي سوته !! و لو ما سوت الرجيم أحسن بكثييييييييير .
الرجيم الصح
هوا انك تحسبي سعراتك و تنقصي منهم 300-500 سعرة حرارية مع يومين الى ثلاث ايام رياضة مقاومة و تسكير خطواتك 10 الاف خطوة للبنات و 12 الف خطوة للشباب ممكن تزيدو خطواتكم بس لازم تراعو السعرات عشان ما تشعرو بجوع و تشعرو انه سعراتكم مش كافية .
الكاتبة : أفنان العرب
تابعوني على الانستقرام : afnanfit
ليصلكم كل جديد ..
التعليقات
احسنتِ جدا جدا