قصه من خيال الكاتب تتحدث عن أهميه المشاركه بين الطرفين وعن أهميه أن يشارك الإنسان تفاصيله مع من (يؤمن به).
بيحكي عنها بعد وفاتها بعد زواج استمر ثلاثون عاما
لم اجد نفسي سوي معها ..كانت تسطيع ان تربط خيالي بخيط رفيع بأرض الواقع حتي اراه معها واقعا
--يعني ايه يابابا...! ؟
معرفتش افهم ازاي قدرت تحول غموضي لطاقه
غير بطريقتها في حل الغازي
كانت بتبقي مبسوطه جداا وهي بتحولني من انسان غامض لانسان مليان طاقه قادر يعمل اي حاجه في اي وقت
ايقنت بعد اعواما واعواما انها كانت بتحل وتفسر الغازها هي
..
--يعني..!؟
في قاعدة صفا قالتلي ...كل واحد مننا جواه عالم ..عالم خفي صعب نفهمه بسهوله
حاجه خفيه هي اللي بنهربلها ونرجع اقوي
.
في جماعه بيسموها احلام وشويه بيقولوا عليها طموح ..كتير بيسموها اوهام ..وأحياناً بيقولوا عليها مواهب
صدقني...
اي حاجه من الحاجات ديه بتسمع وتحس بالشخص اللي بيهرب فيها
-- ايوه قربت افهم اهو
قالتلي... ليه مسألتش نفسك ليه في كاتب معين بحب اقراله
جوابتها ببساطه وتلقائيه... عشان بتحبي اسلوبه أكيد
بصتلي مبتسمه وقالتلي كتير اسلوبهم حلو بس قليل اللي موهبته بتحبه زي ماهو بيحبها
الكاتب ده الكتابه بتحبه انا واثقه انها هي الشيء الخفي اللي في حياته
انا واثقه انها عالمه الخفي.... انا واثقه انها هي طاقته
بس انا محظوظه
يوم مالقيت عالمي الخفي لقيته في شخص
...............لقيته فيك
وساعتها مر قدامي فتره شبابي الغامضه وأسلوبي اللي كان مرفوض من الجميع وقارنته بالطريقة اللي استطاعت ان تجعلني عليها
ولقيت اجابه السؤال.... لقيتها بتفك الغازها هي... ونجحت
عارف..... هي"كانت فهماني"
كانت مؤمنه بيا.... اه هي الجمله ديه" كانت مؤمنه بيا يابني"
حياتنا بالغه الصعوبه،..غالباً نسعي بمفردنا في هذا العالم ،.وكل يوم كلاٍ منا يُحارب في معركة ما لا يعلم مراراتها إلا هو ..ودوماً نتمني أن يُشاركنا في هذه الحرب جندي يتبعنا أو حتي قائد نتبعه
نتمني أن ينتهي يومنا المتعب مع من نسطيع البوح معه بكل التفاصيل العالقه ،وبكل المعارك التي مررنا بها
لا يستطيع أحد فك الغازنا إلا وهو شديد الولع بالمغامره ،هو يريد أن يغامر في الكشف دومأً
ولكن ,,,,,,ليست أي مغامره ، هو فقط يريرد مغامرتك أنت ....حينها يستطيع ويستطيع وتجد نفسك واقف حائرا ً تردد جملة بطل هذه القصه
(عارفه ...هي كانت فهماني ...كانت مؤمنه بيا )
كانت مؤمنه بيا .
#حياه_في_سطور
#عربي_وعاميه
#جزء_من_واقعنا
#شروق_حشمت
#حكايات_فرحة
التعليقات