ايلول...لهفة البدايات وحزن النهايات , و الجرح الأصفر يلي بترك أثر فيك للابد.
أيلول...
يعني الورق الاصفر عالطرقات , ريحة الياسمين بكل الحي, نسمات الهوا البارده عالشبابيك , الشمس يلي بتغيب عبكير,
القعده بالبلكون , كاسة الحليب الدافيه, اخر ورقه شجر,
و أول حب وأغنيه.
ايلول البدايه والنهايه, الحب والفرح , الحزن والزعل
,الغربه والامل , الدفى والبرد , البعد والقرب , وأنت وأنا....
ومثل مابقولو " أيلول بيمحي أيلول "
كل بدايه بلشت ب ايلول رح يجي ايلول تاني وينهيها, وكل حب بدا بأيلول رح يجي ايلول يحيه أو يمحيه واليوم وفي البدايه من شهر ايلول ,بعز علي اني اقول ايلول اليوم هو نهاية لكل القصص الحلوه يلي كانت فيه , البعض منها صار ذكريات حلوه وانتهت , والبعض منها حكايات اندفنت بالقلب للأبد , والبعض منها أعز من انه ايلول يمحي أثرها بس ...
هاد هو أيلول وهاي هي حكاياته .. منها يلي بفرح ومنها يلي ببكي ,منها يلي بضعف ومنها يلي بقوي ومنها الأول و منها الأخير , ومنها أنت ومنها أنا..
وهاد ايلول برسم نهاية لبدايتنا ... وهون نهاية حكايتنا .
التعليقات