في يوم من الأيام، في حديقة خضراء 🌿 مليانة أزهار ملونة 🌸 وفراشات بتطير 🦋، كانت فيه نملة صغيرة اسمها "نونة"
في يوم من الأيام، في حديقة خضراء 🌿 مليانة أزهار ملونة 🌸 وفراشات بتطير 🦋، كانت فيه نملة صغيرة اسمها "نونة" 🐜.
نونة كانت رفيعة وصغيرة شوية ولونها بني فاتح، وكانت دايماً بتتفرج على النمل الكبير وهو شغال وبيشيل حاجات كبيرة زي ورق الشجر 🍃 وبذور ضخمة 🌰
في كل مرة كانت نونة بتشوف النمل الكبير ده بيبقى نفسها تكون أقوى نملة في الحديقة 💪 بس للأسف، لما جربت تشيل ورقة شجر صغيرة، لقيت الموضوع صعب أوي، والورقة مكانتش بتتحرك خالص من مكانها! فا زعلت وفضلت تعيط 😢
سمعتها ملكة النمل اللي كانت حكيمة، وقالتلها: "متزعليش يا نونة، القوة مش في الحجم، القوة في الإصرار والعزيمة، ابدائي بحاجات صغيرة، وبالتدريج هتقدرى تعملي اللي نفسك فيه" 💡
نونة قررت تسمع كلام ملكة النمل، وبدأت بتحريك حبات رمل صغيرة 🏖️، يوم بعد يوم، كانت بتحاول تشيل وتحرك حاجات أكبر شوية، لحد ما لقيت نفسها بعد أسابيع قادرة تشيل ورقة الشجرة اللي مكانتش عارفة تشيلها في الاول! 🎉
بعد كام يوم حصلت مشكلة كبيرة في الحديقة وهي ان غصن شجرة ضخم 🌳 وقع ووقف طريق النمل، ومحدش كان قادر يحركه! 😱
نونة فكرت شوية، وجمعت كل النمل الصغير وقالت لهم: "يلا نعمل فريق ونحاول نحرك غصن الشجرة، واكيد هنقدر!" 💪
النمل الصغير بدأوا يحركوا الغصن واحدة واحدة مع بعض 🐜🐜🐜 بس في الأول الموضوع كان صعب اوي لكنهم ما استسلموش
وبعد شوية لاقوا نفسهم قدروا مع بعض يشيلوا الغصن ويحركوا بعيد خالص عن طريق النمل!🎊
النمل الكبير فرح أوي بنونة وفريقها الصغير اللي عمل المستحيل 🏆، وراحت لهم ملكة النمل وهنأت الفريق وخليته المسؤول الأول عن حل اي مشكلة تواجه النمل 🤝
"القوة الحقيقية مش في حجمك أو شكلك، لكن في إصرارك وعزيمتك، وإحنا لما نشتغل مع بعض، هنقدر نوصل لأي حاجة ونخلي المستحيل بسيط!" 🌟
سأكون سعيدة إذا قمت بقراءة المزيد من قصصي على صفحة فيسبوك http://tiny.cc/992b001
التعليقات