كان في أرنب جميل اسمه "لوكا" عايش في حديقة كبيرة مليانة حيوانات من كل الأشكال بس أغلبهم من الطيور
كان في أرنب جميل اسمه "لوكا" عايش في حديقة كبيرة مليانة حيوانات من كل الأشكال بس أغلبهم من الطيور 🐦
البيئة المحيطة بـ"لوكا" خليته عنده حلم واحد بس وهو إنه يطير زي باقي الحيوانات اللي حواليه خصوصا لما بيشوف جمال العصافير والفراشات 🦋 وهي طايرة في السما، ساعتها مش بيتمنى أي حاجة غير إنه يعمل زيهم 💭
بس المشكلة إن لوكا أرنب 🐰، والأرانب مش بتطير! 😅 للأسف هو مكانش مقتنع بكدة، وكان كل شوية يحاول ينُط من مكان عالي، بس كل مرة بيقع على وشه في الحفرة ويحاول تاني وتالت والنتيجة واحدة 🕳
في يوم العصافير كلها لاحظت الإصرار الفظيع اللي عند لوكا وقرروا يكلموه ويقولوله الحقيقة ان عمره ما هيعرف يطير لأنه أرنب وان عنده قدرات تانية ممكن يستغلها صح 💡
فعلا العصافير اتجمعت حوالين لوكا وقالوله: "انت أرنب والأرانب مش بتطير، بس عندك قدرات تانية جميلة زي سرعتك وذكائك وإصرارك وشجاعتك، وديه حاجات ممكن تكون مش عندنا بس عندك أنت" 😇
لوكا مقتنعش بكلام العصافير وسابهم وحاول تاني ينُط عشان يطير! 😱 بس المرة ديه بشكل أسرع وأقوى، واتفاجئ بنفسه إنه موقعش في الحفرة زي كل مرة لكن لحق نفسه ونط نطة كبيرة خلته يروح بعيد عن الحفرة 🤩
ساعتها عرف أن سرعته وقوة نطته هي اللي انقذته من الوقوع في الحفرة مش الطيران، ولما قعد مع نفسه شوية وفكر في كلام العصافير لاقى أن عندهم حق 🤓
تاني يوم صحي لوكا وهو في كامل نشاطه ومبسوط وقال: "انا عايز انهاردة احطم الارقام القياسية وانط نطة اكبر من بتاعت امبارح وابعد اكتر عن الحفرة" 🤩
وفعلا عمل كدة وقدر يبعد عن الحفرة ومرة مع التانية اكتشف انه سريع جدا ونطته عالية، وده خلاه يحس بقيمته اكتر ويعرف هو يقدر يعمل ايه 💪🏻
بس ده كله ممنعش فضوله عن انه يبقى عايز يشوف اللي اصحابه العصافير بتشوفه وهي طايرة 🤨
ولما كلمهم عن فضوله ده، قرروا يتجمعوا كلهم ويحققوله اللي نفسه فيه بطريقة ذكية وهي انهم يمسكوه سوا ويشيلوه لفوق عشان يحس انه طاير 🌌
فعلا العصافير كلها جات وشالت الارنب من ودانه وجسمه وديله وبقى طاير في السما وشايف نفس اللي الطيور بتكون شايفاه وده خلاه يحس بفرحة كبيرة جدا لدرجة انه غمض عنيه وتخيل انه طاير لوحده 😌
وده بالنسباله كانت حاجة حلوة اوي انه يحقق حلمه ويعيش اللي طول عمره نفسه فيه، لحد ما فتح عينيه وطلب من العصافير انها تنزلوا 😍
أول ما لوكا نزل شكر العصافير على انهم حققوله حلمه وخلوه يطير وقالهم: "حقيقي مش عارف اقولكم ايه غير انكم كنتوا جزء من حلمي ودلوقتي بقيتوا جزء اساسي من حقيقتي" ♥️
من ساعتها، لوكا كل ما يحس بملل وعايز يلعب مع صحابه العصافير يروح ويقولهم مرجحوني معاكم شوية في السما 😂
"مش شرط نكون زي اللي حوالينا عشان نكون مميزين، كل واحد فينا عنده قدرات خاصة بيه، ولما نكتشفها ونستغلها، هنلاقي إننا بقينا أسعد مما نتخيل!" 🤗
يمكنكم قراءة المزيد من قصصي على صفحة فيسبوك https://shorturl.at/z1LsI
التعليقات