الحمار الحيوان المظلوم كما لم تكن تعرفه من قبل ..
إسمه الأستاذ حمار من فضلك..
تعرف إيه عن الحمار عشان تغلط فيه؟!
#الحمار اللي مظلوم معانا ده في صفات جميلة جداً.. طيب تعرف حضرتك إن من صفاته إنه بيتحمل الأذي
وذكي علي عكس المعروف عنه.. بيتعلم بسرعة وبيحفظ من أول مره ومش بيخون..
قنوع وبيتحمل المسئولية وصبور جداً ..تعرف إن الحمار بيقدر يكتشف ويتعرف على مكان وجود الألغام..
تعرف إن يوم 8 مايو هو اليوم العالمي للحمار تكريماً ليه..
تعرف إن (جبنه بيول) جبنة لبن الحمير تحديداً حمير البلقان.. تعتبر أغلى جبنة في العالم وبيوصل سعرها ل2000 دولار ..
و ده عشان بيتم تصنيع الكيلو الواحد منها من كمية كبيرة من اللبن ..
ومزرعة زاسافيكا في صربيا واللي فيها حوالي 15 حمار بس بتنتج حوالي اربعة لتر لبن بس في اليوم ..
ولأن ليها فوائد كتير وفيها نسبة عالية جداً من فيتامين سي وبتحتوي على مضادات أكسده وخفيفة الدسم جداً..
واللبن اللي بتتصنع منه بيحتوي على اوميجا 3 وكالسيوم وبيوقف نمو الخلايا السرطانية ..
وبيقوي مناعة الأطفال وبيحافظ على صحة القلب والأوعية الدموية ويقلل نسبة الكوليسترول في الدم ويعالج الربو..
تعرف إن الملكة كليوباترا كانت بتستحمي بلبن الحمير لفوايده الكتيره دي..
في حاجة ظريفة بقي عن الحمار حصلت سنة 1930 الفنان زكي طليمات أسس جمعية إسمها "#جمعية_الحمير_المصرية"
لمحاولة إعادة فتح معهد الفنون المسرحية.. والأعضاء ألقابهم حسب مدة العضوية كانت جحش، حمار صغير، حمار كبير، صاحب الحدوة، صاحب البردعة
وكانت الجمعية منضم ليها طه حسين وعباس العقاد كمان.. وكانوا شايفين الحمار بنظرة تانية انه وفي و بيتحمل جداً وصبور وبتاع شغل ..
بعد كل ده لما نتكلم عن الحمار .. قصدي الأستاذ حمار نتكلم كويس..
شكراً للحمير..
التعليقات