"قد إية #الكلام سلاح خطير جداً علي حسب طريقة إستخدامة" .
ماذا لو كان للكلمة أثر واضح!؟
#الكلام إختراع بنوضح بيه اللي احنا عايزينة.. واللي اتعلمناه جديد وهو أصلاً مش جديد
إن الأبحاث العلمية أكدت إن التواصل بين الأفراد يعتمد علي 7 % لغة أو كلام و 38 % نبرة صوت و 55 % تحركات أو لغة جسد
يعني عشان توصلنا حاجة كاملة نفهمها لازم يجتمع ال 100 % مع بعض ..
ولولا الكلام لأصبحنا إنسان غير عاقل بدائي بدون وسيلة تواصل يعيش على إشباع غرائزة فقط..
الكلام ممكن يبدأ خلاف أو ينهية.. الكلام يقدر يخلق علاقة جديدة قوية تندرج تحت أي مسمى
ويقدر يصنع عداء.. يقدر يحدد مستقبل.. ويقدر يشكل شخصية..
"قد إية #الكلام سلاح خطير جداً علي حسب طريقة إستخدامة" .
الكلام اللي حث عليه الدين .. قول معروف، قولوا للناس حسناً، قولوا له قولاً ليناً، اجتنبوا قول الزور،
مثل كلمة طيبة كشجرة طيبة، فالتقل خيراً أو لتصمت... و أمثلة كتيرة جداً كلها بتعرفنا نتكلم إزاي.
مهم جداً الكلام اللي بنقوله..
ومهم أكتر بنقوله إزاي..
ومن قصيدة قديمة للكاتب الراحل عبدالرحمن الشرقاوى عن أهمية الكلمة اتقالت في فى مسرحيته الشعرية «الحسين ثائراً» ..
أتعرف ما معنى الكلمة…؟مفتاح الجنة فى كلمة ..دخول النار على كلمة ..وقضاء الله هو الكلمة
الكلمة لو تعرف حرمة ..زاد مذخور ..الكلمة نور وبعض الكلمات قبور .. بعض الكلمات قلاع شامخة يعتصم بها النبل البشرى..
الكلمة فرقان بين نبى وبغى ..بالكلمة تنكشف الغمة ..الكلمة نور ودليل تتبعه الأمة ..عيسى ما كان سوى كلمة أَضاء الدنيا بالكلمات
وعلمها للصيادين فساروا يهدون العالم ..الكلمة زلزلت الظالم ..الكلمة حصن الحرية إن الكلمة مسئولية
إن الرجل هو الكلمة شرف الرجل هو الكلمة ..شرف الله هو الكلمة.
التعليقات