مش عيب يكون عندك نقاط ضعف شو ما كانت نقاط ضعفك، ومش لازم دائماً تكون اسعد حدا بالعالم لا بُد من شوية بٌكى،
كل حدا فينا عنده في حياته نقاط ضعف ومش دائماً بتكون نقاط ضعفنا أشياء منخاف منها أو فوبيا ملازميتنا، عادي جداً تكون نقطة ضعفنا "أشخاص"، ناس غاليين علينا بنخاف نخسرهم وما منتخيل شكل حياتنا وهم بعاد عنا، وفكرة بعدهم أو تركهم ألنا بتزعزع الأمان الداخلي واستقرار صحتنا النفسية، عادي جداً أنك تمسك بهالشخص في كل مرة بيحاول يبعد فيها، مش عيب تبكي وتعبر عن مشاعرك، ولا عيب تحكيله قديش غيابه قاسي ومش مقبول ولا عيب أنك تذكره بطريقة حبك أله وغلاوته في قلبك، هاد مش ضعف التعبير عن المشاعر والبُكى والتمسك قوة مش اي حدا بقدر يبينهم بكل وضوح وشفافية..
كتير من الناس بشوفوا تمسكك فيهم ضعف منك وأنك شخص شخصيته مهزوزة وما عندك القدرة تبدلهم بناس تانيين، وبشوفوك حدا بفكر بقلبه وحاطط عقله عالشاحن، بغضوا بصرهم عن مشاعرك الصادقة وبزهقوا من وجودك وحبك المبالغ فيه..
وبنسوا أنه لكل انسان مننا طاقة تحمل، قد ما تحمل قد تمسك قد ما بكى وصرخ وخاف من فقدانهم راح يجي عليه وقت بدون ما يتوقعوه راح يرميهم ورا ضهره ويهرب منهم، راح يهرب من نكرانهم لمجهوده العاطفي والنفسي، راح يهرب من كبرتهم وشوفة حالهم ومن برودهم وعينهم الفاضية ..
لكن أهم أشي يا جماعة لا تخلوا هاي الشخصيات تأثر عليكم وعلى طيبة قلبكم ونقائه .. مش عيب تكونوا حقيقيين و واضحين والله، لأن وضوحكم هاد رضا بالنسبة لقلبكم والكل بتمنى يحظى عليه وبس هيك والله.
وفي كل الأحوال انتوا الكسبانين، لا تخلوا سوادهم يأثر على بياض قلوبكم، خليكم أقويتء ودائماً واجهوا مشاعركم بكل صدق وحب، وتأكدوا أنكم أقوياء والضعف مش الكم ولا لتصرفاتكم.
التعليقات