مصطلحات التسويق الرقمى الأهم لبداية عملك كمسوق الكتروني !
تدوينه اليوم لكل حد مهتم بمعرفة كل تفصيلة فى السوشيال ميديا
لما تقرر تتعلم سوشيال ميديا يبقى لازم تكون عارف ايه هي مصطلحات السوشيال ميديا !
1- Post
هو كل ما تقوم بنشره على أى موقع من مواقع التواصل الاجتماعي سواء كان صورة أو بوست نصى أو فيديو أو لينك
2- Reach
ده مصطلح بيتقال على الفيس بوك على أى بوست أنت بتنشره على صفحتك و معناه عدد الناس اللى البوست بتاعك وصلهم بمعنى أدق كام واحد البوست بتاعك ظهر عنده على Feeds News
و هنتكلم هنا عن ال Reach Organic و Reach Paid
3- Organic Reach
يعنى أن البوست بتاعك وصل للناس من غير أعلن يعنى وصول طبيعى بدون أى محفزات .. و ده مهم جدا و بيعتبر
عامل مهم لقياس مدى قوتك فى تقديم المحتوى.. كل لما معدل الوصول الطبيعى بتاعك بيزيد ده معناه أن قيمة المحتوى إللى بتنشره عالية
4- Paid reach
ده معناه أنك هتدفع فلوس مقابل نشر المحتوى بتاعك أو بمعنى أصح الفلوس هتكون مقابل وصول المحتوى بتاعك
لعدد أكبر من الناس.
5- Boost
ده معناه أنك تعمل أعلان ممول على أى حاجة حابب الناس تعرفها ، و معناه الحرفى من القاموس يعنى " زيادة "
6- Engagement
الكلمة شارحه نفسها بنفسها , و بنطلق الكلمة دى على نوعية البوستات اللى بيتم نشرها بغرض جذب الناس للتفاعل
معاك على فكرة معينة أو لعبة أو أيا كان البوست .
7- content
و ده المقصود بيه المحتوى إللى بيتم نشره على أى موقع من مواقع التواصل الاجتماعي و بيختلف شكل المحتوى حسب
كل موقع و ده اللى هنتكلم عنه قريب فى بوست مفصل.
8-Conversion Rate
معنى الكلمة دى معدل التحويل ، بس برضه يعنى أيه ده !؟ هو ده اللى بتقيس بيه هل البوست بتاعك حقق النتيجة اللى انت كنت عايزيها
يعنى مثال لو أنت عامل بوست و بتتكلم فيه عن منتج أنت بتقدمه و عايز الناس تشتريه ، هتكتب على البوست تحفيز للناس انها تشترى و بعدها محدش أشترى أو سأل على المنتج ، كده يبقى معدل التحويل بتاع البوست ده قليل , ده شرح بسيط لعامل مهم جدا فى العملية التسويقية بشكل عام
9 -HashTag
هو عالمة ال " # " و من أبرز المواقع اللى بتستخدم الهاشتاج طبعا تويتر و جوجل بلس و الفيس بوك و الأنستجرام
الميزه الرئيسية للهاشتاج أنه بيسهل عملية تصنيف المواضيع اللى فى نفس المجال و بتحتوى على نفس الهاشتاج فيزيد نسبة الانتشار والتفاعل من خلاله .
10 - Inbound Marketing
قبل أى حاجة الكلمتين دول ممكن علشان نشرحهم بالتفصيل ممكن نكتب فيهم كتب , بس بأختصار ده معناه " التسويق
الضمنى " يعنى التسويق الغير مباشر و ده بيعتمد على قوة المحتوى اللى أنت بتقدمه.
11- Algorithm
اللوغارتم هو مصطلح بيطلق فى مجال التسويق الالكتروني بشكل كبير ، و بيبقى عبارة عن مجموعة من المعادلات و
الأرقام اللى بتحكم ظهور المحتوى إللى أنت بتنشره على أى من المواقع سواء موقع تواصل أجتماعى أو موقع عادى
12 - Hangout
دى خدمة موقع جوجل بيقدمها عن طريق " جوجل بلس " و عن طريق الخدمة دى بتقدر تعمل محادثة مع شخص أو
أكتر من شخص فى نفس الوقت بس الفرق أنها بتكون محادثة فيديو صوت و صورة و ممكن تسجلها كمان .
13 - News Feeds
المصطلح ده بيقصد بيه دايما الصفحة الرئيسية على أى موقع تواصل أجتماعى و إللى بيتم فيه نشر كل ما هو جديد سواء تم نشره بواستطك أنت أو أى من أصدقائك أو أى صفحة أخرى , بس بيختلف المسمى بتاعه من موقع لآخر يعنى فى الفيس بوك اسمه Feeds News ، فى تويتر أسمه Line Time
14 - social media optimization , SMO
المصطلح ده هو اللى بيلخص عملية التسويق عن طريق مواقع التواصل الاجتماعي ، بيقصد مجموعة من
التصرفات اللى بتم بغرض نشر منتجك أو خدمتك مستهدفة فئة معينة من العملاء مستغلاً المحتوى إللى بتقدمه و بصورة مختلفة .
15- B2B
و ده أختصار Business To Business و معناه أنك بتكون شركة و بتستهدف بشغلك شركة تانية , يعنى العملية
التسويقية بتم بين شركتين و ليس شركة و مستهلك.
16 - Trend
هو أتجاه معين و بنستخدمه على الأنترنت لرصد أتجاه الناس فى فتره معينه على شئ معين و من أكتر
تلاقيهم بيقولوا دايما جملة " دة طالع ترند "
المواقع اللى بتهتم بالمصطلح ده هو موقع تويتر ، مثال ممكن تلاقى فى ماتش بين الأهلى و الزمالك الناس بتتفاعل
على كلمة " الاهلى_اليوم " و فى اللحظة دى بتعتبر الكلمة دى تريند و قيمة كل تريند بتزيد كل لما تفاعل الناس عليه بيزيد .
17 - Analysis OR Insights
الكلمتين معناه الاحصائيات أو التحليل اللى أنت بتقوم بيه لمجال شغلك أون لاين و بتبقى أهم الحاجات إللى بتكون عامل مشترك فى كل الاحصائيات على مواقع التواصل الأجتماعي ' عدد المتابعين ، نسبة تفاعلهم معاك ، المحتوى بتاعك بيوصل لناس قد أيه '
18 - Share of Voice
هو مدى أنتشار أسم المنتج بتاعك على الانترنت , و بيتم قياسها دايما حسب عدد مرات ذكر أسم منتجك فى أى حوار بين الناس فى مواقع التواصل المختلفة
19 - Social customer service
هو خدمة العملاء بس عن طريق السوشال ميديا , علشان كده هتلاقى نفسك ملتزم بردود معينة فى أسرع وقت
على عملائك و المتابعة الفعالة أول بأول.
20 - Spam
هى من أشهر الكلمات المتداولة على الأنترنت و بتوصف أنتشار رسائل على الأنترنت بشكل مكثف فى وقت قصير
بدون أستئذان.
21- Viral
هو الانتشار الفيروسى ، و المصطلح ده بيوصف شكل انتشار أى محتوى بتقوم بنشره على الأنترنت , و الكلمة وصفت
نفسها بنفسها و بيكون أنتشار المحتوى ده بشكل كبير و بسرعة و بيعتمد أن المحتوى يكون بيعتمد على فكرة بتجذب الناس و ده بيزود أنتشار المحتوى فى وقت قصير جدا .
22- Bid
معناه مناقصة أو مزايدة و دى هتلاقيها لما تيجى تعمل أعلان و ساعتها هيطلب منك تحدد ال bid إللى هتدفع على أساسه الفلوس و بيتم حسابه حسب نوعين و هما Click Per أو Impression Per
23 - Per Click
الاعلان هنا بيكون حسب الضغطات إللى بتم على الاعلان بتاعك يعنى مقابل كل ضغطه بيتخصم من رصيدك المبلغ اللى أنت حددته فى ال Bid
يعنى مثال بتحدد مثال أن الضغطة هتكون ب 01.0 $ فكل ضغطة هتكون ب 01.0 $
24 - Per Impression
بيبقى حسب مرات الظهور , يعنى حسب عدد مرات ظهور أعلانك بيتم الخصم من رصيدك و بيتم دايما حسابها بال 1000ظهور و لكل ألف ظهور أنت بتحدد ال , Bid يعنى مثال الاعلان بتاعك هيظهر ألف مره و الالف مره دول هيكونوا مثال ب 05.0 $ بمعني لازم تكون محدد أهدافك والفئة المستهدفة قبل ما تبدأ فى تنفيذه .
25 – EdgeRank
دى بتعتبر الطريقة اللى الفيس بوك بينظم بيها ظهور أى بوستات على ال Feeds News و بردو بيبقى
أسمها Algorithm Facebook و ده يقصد بيه ، مش هينفع كل حاجة بتتنشر على الفيس بوك تظهر لكل الناس
و من أهم عوامل ظهور أى بوست للناس
- نوعية البوست سواء كان بوست صورة ،نص ، فيديو .. أو على حسب ما أنت بتختار: ميعاد البوست
- كمية الكلام المكتوب مع البوست.
اختار موضوع التدوينة القادمة فى الكومنتات لمعرفة المزيد حول عالم التسويق الرقمى
التعليقات