قصة رقم 2....قصة رعب مؤلفة بعنوان "صديقة عمري".، سلسلة كوابيس
ضابط الشرطة ١ : آنسة " روز" احنا هنبدأ التحقيق وياريت تساعدينا وتكوني صريحة علشان مناخدش وقت..مفهوم ؟
....روز: مفهوم ....
ضابط الشرطة ١ : انتي عايشة لوحدك بعد وفاة اهلك في حادث من ٤ سنين ..سنك ٢١ سنة وطالبة في كلية إدارة الأعمال...مظبوط ؟
روز: أيوة
ضابط الشرطة ١ : طيب إحنا هندخل في صلب الموضوع ...من فترة بدأت تيجي بلاغات إختفاء لشباب وبنات كلهم في سنك تقريبا و زمايلك في الكلية وأخرهم كان أستاذك وكل البلاغات دي للأسف كان بيتم حفظها بعد أيام من البحث عن الناس دي ..ومن فترة قريبة جارك الأستاذ " رامون" بلغ عن صوت دوشة بيجي من بيتك في نص الليل وشافك مرة وانتي هدومك و وشك ملطخين بالدم ... الحقيقة إحنا بدأنا بعدها نربط كل ده ببعض وبقي في شكوك كتير ناحيتك ... ايه أقوالك في الكلام ده..؟
زروز (بصوت خافت ومتردد): كلهم ..كلهم ماتوا
ضابط شرطه ١ : هم مين ؟؟
روز : اللي انت بتتكلم عن إختفائهم
ضابط شرطة ٢: عرفتي منين ؟
روز : عشان هي قالتلي انها هتخلصني منهم وكنت بشوفها وهي بتقتلهم
ضابط شرطه ١ : بتتكلمي عن مين ؟
روز : صديقة عمري و زميلتي " ديانا"
ضابط شرطة ١ : و "ديانا" كانت بتقتلهم ليه ؟
روز: علشاني ..هي كانت شايفة اللي بيحصلي وشايفة انا كنت بعاني منهم ازاي كلهم من اول " ألفيرد" اللي هجرني علشان واحدة أجمل لحد أستاذ " ألبيرت " اللي اهاني اكتر من مرة قدام زمايلي
ضابط شرطة ٢ : أنتي بقي اللي كنت بتقوليلها تقتلهم ؟
روز: لا ...انا و " ديانا " أكتر من الإخوات ..كل يوم بليل لازم نتكلم علي الفيسبوك واحكيلها علي كل حاجة واقولها انا متضايقة من أيه أو من مين وافضفض معاها بكل اللي جوايا وهي عشان عمرها ما حبت تشوفني كدة كانت بتقولي انا جنبك وهتشوفي هخدلك حقك ازاي
ضابط شرطة ١ : وبعدين عملت ايه؟
روز: أخدتني معاها أول مرة لحد بيت " ألفيرد " حبيبي السابق وفرجتني علي شكله وهي بتدبحه هو و صديقته الجديدة و بتشوه وشها الجميل اللي سابني علشانه ...وبعد كدة أخدتني معاها بردو لحد الحديقة الخلفية لبيت زميلتي " ليندا" المتنمرة اللي روجت عني إشاعات إني بنت منحلة وإن " ألفيرد " سابني عشان وحشة وعشان سمعتي قذرة ...شوفتها وهي بتخنقها بسلسلة حديد لحد ما ماتت ...وأخر مرة بقي كانت لحد عربية إستاذ "ألبيرت" ..في الأول فكرت أنها تحرق العربية وهو جواها لكن بعد كدة قررت تخرجه منها بعد ما ضربته بعصاية البيسبول علي راسة وفقد الوعي للحظات قبل ما تحرقه بالبنزين والنار وسمعت صوته وهو بيصرخ من الألم ..." ديانا" مش وحشة بس هي بتحبني و مبتحبش حد يضايقني ..صديقة عمري زي ما قلتلك
ضابط شرطة ١ : طيب و لو استدعينا " ديانا" و قالت انك انتي اللي عملتي كل ده هيكون ردك ايه؟
روز : مش ممكن تعمل كدة ..هي صريحة وعمرها ما تخوني ابدا مهما حصل ..
ضابط شرطة ٢ : طيب يا "روز " هنرجعلك بعد لحظات ....
ضابط شرطة ٢ : سمعت اللي قالته؟
ضابط شرطة ١ : كلام غريب ...ميتقالش بعد اللي لقيناه في بيتها
ضابط شرطة ٢ : مضرب بيسبول عليه بصماتها ..سكينة كبيرة .. سلسلة حديد ...ده غير اهم حاجة ...٤ جثث في قبو البيت بقالهم اكتر من شهر
ضابط شرطة ١ : حساب الفيسبوك بتاعها مقفول بقاله ٦ شهور ..من قبل حوادث الإختفاء ، ده غير تاريخ البحث اللي لقيناه علي جوجل علي اللاب توب بتاعها ، ١٤٢ عملية بحث عن كلمة ذبح ، ٥٤ عملية بحث عن كلمة خنق ، ١٠٢ عملية بحث عن كلمة حرق مميت ....
ضابط شرطة ٢ : مش مهم كل ده ولا مهم كانت بتبعت لصديقتها ازاي و امتي ...صديقتها هي نفسها حبيبة صديقها السابق وكانت من اول ضحياها ...حبيبها سابها وراح ل"ديانا" عشان اجمل....جثة "ديانا" موجودة في القبو ومشوهة بشكل فظيع ، لولا الهوية اللي لقيناها في جيبها مكناش عرفناها
ضابط شرطة ١ : عملية انتقام واضحة الملامح ...إلا روايتها هي اللي مش مفهومة ...
ضابط شرطة ٢ : كل اللي قالته كانت بتوصف فيه اللي هي عملته مش حد تاني ...مفيش "ديانا" .."ديانا" كانت أول ضحية وأنتهي أمرها ...إنما الأكيد إن مكانتها في قلب " روز" كانت صعبة الزوال كصديقة عمرها ....
التعليقات
عظيم كالعادة♥️