علشان يبقي عندنا إسلوب حياة أفضل, لازم أختيارتنا تكون أحسن, تعالوا نشوف ازاي؟
في كل موقف
وفي كل تعامل
وفي كل حاجة هتعملها في حياتك
هيكون عندك إختيار
يا إما تعمل الحاجة دي وحش ، يا تعملها أي كلام ، يا تعملها حلو ، يا تعملها بإحسان
الإحسان هو الإضافة الجميلة الي لما تزودها وتضيفها لأي حاجة تديك معني جديد وجميل، تديك معني أرقي و عمق أكبر،
..العنصر السحري الي بيضيف جمال لكل حاجة
وسر الخلطة الي بيضيف مذاق خاص☺️🥰
مع تفهم الطبيعة البشرية إن مش دايما طاقتنا بتكون عالية في كل الأوقات ومش دايما قدرتنا بتكون عالية ،
{لا یُكَلِّفُ ٱللَّهُ نَفۡسًا إِلَّا وُسۡعَهَاۚ}
{لِیُنفِقۡ ذُو سَعَةࣲ مِّن سَعَتِهِۦۖ}
{لَا یُكَلِّفُ ٱللَّهُ نَفۡسًا إِلَّا مَاۤ ءَاتَىٰهَاۚ}
الجميل في الموضوع إن الإحسان مش إنك توصل للكمال أو الميثالية،
ولكن إنك تعمل أحسن حاجة تقدر عليها وفي سعتك
ومحاولة الإحسان في حد ذاتها تعتبر إحسان 🥰
ولو حصل وأخطأت تصلح خطأك وتصحيح الخطأ بردو إحسان
"أتبع السيئة الحسنة تمحها".
مثلا، لو هتعطي أي حد أي حاجة ممكن تدي أي حاجة وخلاص..
وممكن تطلع أحسن ما عندك {لَن تَنَالُوا۟ ٱلۡبِرَّ حَتَّىٰ تُنفِقُوا۟ مِمَّا تُحِبُّونَۚ}
الإنفاق مش بس مادي هو كمان وقت ، طاقة ،مشاعر ،خدمة ، فعل ، قول..،..
"حب لأخيك ما تحب لنفسك واكره له ما تكره لها"💚
لو عندك ضيف ،ممكن تستقبله عادي.. و ممكن تقدم له أحسن ما عندك من حفاوة وترحاب وحب وكرم💚
لو في شغلك ،ممكن تكروته ..وممكن تعمله بإتقان وإبداع
وفي التعامل مع العملاء/الزباين/المرضي ، ممكن تعمل المطلوب من غير تركيز وإهتمام.. و ممكن تتبتسم في وشهم وتعاملهم بأحسن ما عندك وتحاول تقدم ليهم أعلي درجة نفع تقدر عليها💚
لو هتطبخ لحد أكل ممكن تقدمه كدا وخلاص.. وممكن تعمله بحب وتقدمه بشكل حلو💚
لو حد طلب منك خدمة ، ممكن تتكاسل في تنفيذها.. ،وممكن تسبق أنت بالإقبال عليه وبالأهتمام بطلبه ، تعمل كل الي تقدر عليه حقيقي علشان تساعده وتفضل معاه لحد ما حاجته تتم
قال رسول الله ﷺ: "لأن يمشي أحدكم في حاجة أخيه خير له من أن يعتكف في مسجدي هذا"💚
لو حد عملك حاجة حلوة ممكن تستقبلها منه وخلاص.. و ممكن تستقبلها بأمتنان وحب وترد له الإحسان إحسانا💚
لو هتقابل حد غريب في الشارع ، عمال ، أطفال ،..،.. ممكن تمر عليهم كدا وخلاص.. وممكن تسيب فيهم أثر طيب وكلمة طيبة أو إبتسامة💚
وهكذا
🌟كل واحد طريقته في الإحسان مختلفة وكل واحد هيكون ليه حتته الي متميز فيها ويعرف يحسن فيها أكثر من غيرها، مافيش طريقة محددة، أو وصفة معينة.. الإحسان مليان إبداع وتميز وإختلاف🌟
{لِّلَّذِینَ أَحۡسَنُوا۟ ٱلۡحُسۡنَىٰ وَزِیَادَةࣱۖ}
{وَسَنَزِیدُ ٱلۡمُحۡسِنِینَ}
دايما عندك الأختيار تضيف و تعمل "زيادة" ، تعمل أحسن ما عندك أو لأ
هتختار إيه ؟
💌الخلاصة في كلمتين:
الي بيعمل دايما زيادة
وبيعطي زيادة
↩️بيستقبل من ربنا زيادة في كل حاجة في حياته.
الله أكرم والله هو الشكور يشكر لك فعلك/قولك بأضعاف مضاعفة💚
#حياة_الإحسان
التعليقات