رمضان علاقة حب بين ربنا وحبايبه، نحاول كل يوم نعرف حاجة صغيرة تعرفنا وتقربنا من ربنا أكثر ومن تواصلنا مع ربنا سبحانه وتعالي.
{یُرِیدُ ٱللَّهُ بِكُمُ ٱلۡیُسۡرَ وَلَا یُرِیدُ بِكُمُ ٱلۡعُسۡرَ}
ربنا سبحانه وتعالي يريد لنا اليسر
ومهد لنا ويسر لنا الطريق،
لو تأملنا سبب كل العسر و المشاكل الي في الدنيا هنلاقي إن السبب في إننا خالفنا أمر الله و نصحه لنا وخالفنا سيرة سيدنا محمد🙏
المشكلة الأكبر إننا مش بنرجع للقرآن وآياته و سنة سيدنا محمد ،
مش بنفهمهم فهم صحيح، وبالتالي مش ينطبقهم ولا بنعتمد عليهم في قيام حياتنا،
مع إننا لو عرفنا وفهمنا صح هنرتاح ، ونعيش حياة طيبة في الدنيا والآخرة🌼💚🌺
"وأصل ذلك كله أن نعرف الله
ونعرف سيدنا محمد
ثم نعرف الدين بمرجع معرفتنا لله ولرسوله"
لما نعرف إن الله رحمان رحيم
وإن النبي ربنا أرسله رحمة للعالمين
؛ونلبس نظارة الرحمة و نشوف بيها الدنيا ، أكيد المنظور كله هيختلف💓😊🙏🌺
لما نعرف {یُحِبُّهُمۡ وَیُحِبُّونَهُۥۤ}
وإن ربنا سبحانه وتعالي أحبنا فأوجدنا، وإن سيدنا محمد بيقول علينا "أحبابه" وكان بيدعيلنا في كل صلاة
؛ونلبس نظارة الحب ونشوف بيها، أكيد المنظور هيختلف🥰🥰🥰
لما نعرف أن الله يريد بنا اليسر
وإن سيدنا محمد ماكنش ابدا يخير بين أمرين إلا ويختار أيسرهما 🙏💚
المنظور كله يختلف.
وهكذا....كل صفة هنعرفها
هتفرق في منظور كامل للحياة! لحد ما نقرب أكثر وأكثر للحقيقة وللصورة الكاملة🙏
أول خطوة في كل حاجة حرفيا، هي معرفة الله ومعرفة سيدنا محمد صلي الله عليه وسلم.
التعليقات