خطوات نعرف بيها ازاي نقدر نشوف أحسن ما في اللحظة؟ ونشوف الجمال في كل شيء؟
فن الإيجابية ☀️💓🥰
إننا نكون واعيين إن كل حاجة ليها الجانب المشرق وليها الجانب السيء
وإن كل حاجة وحشة وراها حاجة حلوة ، كل ضرر وراه نفع ، وكل منع وراه عطاء،
حتي الصفات الي مش قادرين نتقبلها في نفسنا أو في غيرنا هنلاقي أنها بتعكس صفات ثانية حلوة! وهنلاقي أنها بتميزنا وبتكون سبب ودافع لحاجات إيجابية في حياتنا بعد كدا بما نعرف نتعامل معاها صح🌟
الإيجابية هي إنك تتقبل الجانب السيء وبعد كدا تختار تشوف الجانب المشرق وتطلع منه نور.. تطلع منه أحسن ما فيه،🥰
تحتضن الجانب المظلم وتتقبل إنه جزء من الحياة وجزء فينا، 🤗
ولكن في نفس الوقت تركز طاقتك علي الجانب المشرق الي بيشع نور ووفرة لفرص غير متناهية أو محدودة ♾🌟
لأن الجانب المنور دا بنستمد نوره من ربنا وبحسن الظن بيه، وب تفائلوا بالخير تجدوه 🥰،
وربنا...يعني مافيش حدود ولا مستحيل...كله بكن فيكون☝🏻
ربنا موجود في كل لحظة، موجود بأسمائه وصفاته كلها، وكل صفة من صفات ربنا بتقابل إحتياجات من إحتياجات البشر،
ف كل لحظة كاملة بوجود الله فيها، وكل لحظة هيكون متوفر فيها كل الي إحنا محتاجينه علشان نطلع أحسن ما في اللحظة وعلشان نكون أحسن نسخة من نفسنا🙏🏻، ربنا بيمدنا دايما بكل الي إحنا محتاجينه وفي الوقت الي إحنا محتاجينه بالظبط🤲🏻
الخطوات:
هي تغيير مسار تركيزنا
🔄بدل ما نركز علي الحاجة الي مش بأيدينا... نركز علي الحاجة الي في أيدينا ونقدر نعملها وناخد خطوة إيجابية إتجاهها ويكون تأثيرها نافع،
🔄بدل ما نركز علي الجانب السيء... نركز علي النعم ،علي الفرص والأبواب المفتوحة، وحتي علي الإنعكاس الإيجابي للشيء السيء دا،
🔄بدل ما نركز علي الحاجات الي بتخلي اللحظة مش ميثالية... نركز إزاي اللحظة دى ممكن نطلع منها أحسن حاجة ممكنة ونركز أننا نعمل أحسن حاجة نقدر عليها.
💌الخلاصة في كلمتين:
الفكرة كلها في العقلية الإيجابية ،المنظور وفي توجيه الطاقة والتفكير في الإتجاه الصح
أنت بتختار تشوف انهي جهة؟
إختار تشوف الجانب الي مليان فرص ، والجانب الي مليان نعم،
ف تقدر تطلع أحسن ما في اللحظة
وتقدر تكون أحسن نسخة من نفسك في كل لحظة جديدة.🥰
#حياة_الإحسان
التعليقات