حل لكل المشاكل الي بيننا وبين الناس... تعالوا نشوف ازاي نعمل دا عن طريق الإحسان
الإحسان مع الناس💚
حسن خلق وحسن معاملة وحسن صفات وحسن نية وحسن مشاعر بينا وبينهم،🥰
👈"إنما بُعِثْتُ لأُتَمِّمَ مكارمَ الأخلاقِ"
خير نموذج وقدوة هو سيدنا محمد ﷺ، كان قرآن يمشي علي الأرض 🥰
{لَّقَدۡ كَانَ لَكُمۡ فِی رَسُولِ ٱللَّهِ أُسۡوَةٌ حَسَنَةࣱ لِّمَن كَانَ یَرۡجُوا۟ ٱللَّهَ وَٱلۡیَوۡمَ ٱلۡـَٔاخِرَ وَذَكَرَ ٱللَّهَ كَثِیرࣰا}
كل ما نقرأ في السيرة ونشوف معاملات النبي ﷺ كانت إزاي مع كل الي حواليه ،
كل ما ننبهر ونتعلم النموذج الأمثل للإنسان والعبد الرباني، وكل ما نتحقق من مراد ربنا مننا، وكل ما العلاقات بين البشر هتبقي أرقي وأجمل وأريح، ويبقي فيه تعاون ورحمة وحب وتعاطف ومراعاة للمشاعر وسلام وخير وتيسير بين الناس.
👈في أي موقف تكون فيه ،فكر كدا وتخيل؟
لو كان النبي موجود في الموقف دا كان هيتصرف إزاي؟
وحاول تتصرف زيه بقدر الإمكان 🙏 🥰
عايزين نتعلم نسمع صوت النبي الي جوانا
{وَٱعۡلَمُوۤا۟ أَنَّ فِیكُمۡ رَسُولَ ٱللَّهِۚ}
وكل ما نتبع النبي ﷺ ويكون فينا منه أكثر ،
كل ما هنحسن للناس وللأرض ونكون محسنين
وكل ما هنقرب لربنا أكثر وربنا يحبنا أكثر،
{قُلۡ إِن كُنتُمۡ تُحِبُّونَ ٱللَّهَ فَٱتَّبِعُونِی یُحۡبِبۡكُمُ ٱللَّهُ وَیَغۡفِرۡ لَكُمۡ ذُنُوبَكُمۡۚ وَٱللَّهُ غَفُورࣱ رَّحِیمࣱ}
وحتي لو مش هنقدر نوصل لنسبة كبيرة من الصفة أو مش هنقدر نحقق دا في كل المواقف الي بنمر بيها، فدا طبيعي، المهم ننوي ونبدأ ونحاول وأي نسبة هنوصلها من صفات النبي ﷺ هتكون إنجاز وإحسان 🥰
الخطوات:
💛نعرف عن حياة النبي ﷺ وتعاملاته
💛نعرف عن صفاته وأخلاقه
💛نصلي ونسلم كثير علي النبي ﷺ
💛نحاول نتخيل دايما النبي ﷺ كان هيعمل ايه في الموقف دا ونحاول نعمل زيه
💛نحاول نقتدي بسيدنا محمد ﷺ ونتبع سيرته ومنهجه،
💞في كرمه، كان يعطي عطاء من لا يخشي الفقر.
💞في مراعاة المشاعر ، كان حتي بيواسي الطفل الي مات عصفوره.
💞في الرحمة والحكمة ،في تعامله مع المسيء أو المذنب كان في قمة الرحمة والإحسان والحب.
💞في عفوه وحلمه،
كان يرد الإسائة بالإحسان.
💞في تواضعه،
كان بيخدم أهل بيته طول ما هو في البيت، وكانت لما فاطمة بنته تدخل عليه يقوم ويقعدها مكانه، كان بيهتم لحاجة كل الناس أهتمام شديد حتي مع غير العقلاء.
💞في إحتوائه وإنتباهه وسعة صدره، كان لما حد يتكلم معاه يبتسم له و مايلتفتش أبدا لحد ما ينتهي الشخص الي بيكلمه عن الكلام ويلتفت هو الأول.
💞في حرص النبي ﷺ وحبه للخلق كلهم،
كان بيدعيلنا في كل صلاة ربنا يغفر لنا ذنوبنا ما تقدم منها وما تأخر ،
ويوم القيامة مش هيروح جنته إلا لما يشفع لكل أمته ويطمن عليهم.
وهكذا
💌الخلاصة في كلمتين:
كل ما نتعمق في سيرة النبي ﷺ وتعاملاته هنلاقي كنوز ،ونكتشف في كل مرة جمال وإحسان غير متناهي♾️،
كل ما نعرف النبي ﷺ ونصلي عليه هنحبه ونتعلق بيه ونتبعه في كل خطوة ونفس، وكل المشاكل الي بنعاني منها بينا وبين بعض تختفي🙏🏻🥰
#حياة_الإحسان
التعليقات