رمضان علاقة حب بين ربنا وحبايبه، نحاول كل يوم نعرف حاجة صغيرة تعرفنا وتقربنا من ربنا أكثر ومن تواصلنا مع ربنا سبحانه وتعالي.
الدُّعاءُ هو العبادةُ {وَقال رَبُّكُمُ ادْعُونِي أَسْتَجِبْ لَكُمْ}
الدعاء صلة مستمرة بين العبد وربه 🙏🥰
الدعاء بيجمع بين معاني وعبادات قلبية كثير جدا في وقت واحد، منها
صدق التوجه (لما بنييجي ندعي بنكون متوجهين بكل كياننا لربنا)،
العبودية (إعتراف إن أنا عبد و ليا رب أنا في دوام الإحتياج والإفتقار إليه)، الحضور ، الرجاء ، حسن الظن، اليقين، التوكل، التفويض ، التعلق بالله ،..، ...،....وغيرهم كثير🙏💓
والدعاء ممكن يكون سر أو علانية
يعني ممكن ندعي بجوارحنا وممكن ندعي بقلبنا😊
{وَلِلَّهِ ٱلۡأَسۡمَاۤءُ ٱلۡحُسۡنَىٰ فَٱدۡعُوهُ بِهَاۖ}
لله أسماء لا تعد ولا تحصي، وكل صفة من صفات الله بتشبع إحتياجااات كثييير اوي عندنا ، حتي لو مش عارفين نسمي أو نحدد الإحتياج دا. ف ندعي (الله) {قُلِ ٱدۡعُوا۟ ٱللَّهَ} وهو إسم يشمل كل الأسماء والصفات، ما علمنا منها وما لم نعلم🙏
دايما نرجع لربنا في كل حاجة وبعد كل حاجة وقبل كل حاجة🙏 ربنا هو السكن وهو من إليه نرجع
{فَمَن شَاۤءَ ٱتَّخَذَ إِلَىٰ رَبِّهِۦ مَـَٔابًا}
"لا ملجأَ ولا مَنجَى منْكَ إلَّا إليْكَ" 🤲🏻
الدعاء صلة وتواصل وحب ومناجاة وذكر🌸 عبادة نحاول نستمر عليها دايما🥰 كل ما نعوز حاجة نروح نطلبها من ربنا 🙏 وكل ما حاجة تضايقنا نروح نقول لربنا ونطلب منه 🙏 الي يخلي ربنا مرجع وسند ليه دايما عمره ما يخسر ولا يتوه ابدا🙏💓🌷.
التعليقات