كل حد فينا مميز وليه تعبير فريد, أعرف نفسك ,خليك علي طبيعتك وتطور علشان توصل لأحسن نسخة من نفسك, نفسك الحقيقية والأصلية.
الأحسان هو قمة التميز الإنساني💙
{لَقَدۡ خَلَقۡنَا ٱلۡإِنسَـٰنَ فِیۤ أَحۡسَنِ تَقۡوِیمࣲ}
{وَصَوَّرَكُمۡ فَأَحۡسَنَ صُوَرَكُمۡۖ}
ربنا سبحانه وتعالي خلق فأبدع،علي غير مثقال سابق،
زي ما كل شخص ليه بصمة مختلفة ومميزة ،فبردو كل واحد روحه وصفاته وقدراته ونقاط قوته ومواهبه مميزة وفريدة،✨
{وَنَفَخَ فِیهِ مِن رُّوحِهِۦۖ }
ربنا نفخ فينا من روحه وكسانا من صفاته الحسني،
جوا كل حد فينا (كنوز نادرة وثمينة) ومخصوصة ليه هو بس هبة ربنا وهبه بيها، 🤲🏻
فيه مرحلة عمرية بيعدي بيها الإنسان قبل عمره في الدنيا إسمها "عمر الفطرة"
{وَإِذْ أَخَذَ رَبُّكَ مِن بَنِي آدَمَ مِن ظُهُورِهِمْ ذُرِّيَّتَهُمْ وَأَشْهَدَهُمْ عَلَىٰ أَنفُسِهِمْ أَلَسْتُ بِرَبِّكُمْ ۖ قَالُوا بَلَىٰ ۛ شَهِدْنَا ۛ أَن تَقُولُوا يَوْمَ الْقِيَامَةِ إِنَّا كُنَّا عَنْ هَٰذَا غَافِلِينَ}
👈دا الوقت الي ربنا غرس فيه الفطرة في الخلق
وإتغرست فيه معاني الإنسانية و صفات الإحسان،
و كل حد فينا ليه صفات معينة بتميزه عن غيره،
والفطرة الي ربنا خلقنا عليها
دي تعتبر "النسخة الأصلية"
الفطرة دي هي التوحيد والإحساس بالله ومعرفته والصفات الحسني وتجلياتها الفريدة علينا.
📑🗃️في علم النفس الإيجابي، بيقولوا أن كل إنسان بيتولد وفيه ٢٤ صفة حلوة موجوة جواه،
وإن أكثر حاجة تساعدك إنك تتصل بالصفات دي وتفعلها هي الروحانية.
ومفهوم الإحسان بيشمل المعاني دي وبيجمع بين الإحسان والإبداع والروحانية،
كل ما الواحد يقرب من ربنا أكثر ويزكي نفسه أكثر، يقرب من الإحسان اكثر ، كل ما هيقرب من حقيقته وتعبيره الفريد أكثر،
عوامل كثير بتأثر علي الفطرة،
والمجتمع كثير بيبعد الإنسان عن أنه يبقي نفسه وعلي طبيعته الي ربنا فطره عليها،
المجتمع بيطلب نسخ مزيفة تدخل جوا قوالب محددة،
ودا عكس الفطرة و عكس الإحسان الي هو بيدعو للإبداع والتعبير بحرية.
لأن في الأصل كل واحد أتخلق مختلف ومميز، علشان كل واحد يكون مبدع ويدي في مكانه والحتة بتاعته،🌍
وإبداع الخلق من إبداع الخالق.
كل حد فينا لازم يسعي أنه يتصل بنفسه ، يكون نفسه الأصلية والحقيقية (Authentic Self)/ (True Self) ويعبر عنها،
والي هي بتكون أحسن نسخة منه وأحسن صورة ذاتية يحب يشوف نفسه فيها،🌟
{صِبْغَةَ اللَّهِ وَمَنْ أَحْسَنُ مِنَ اللَّهِ صِبْغَةً وَنَحْنُ لَهُ عَابِدُونَ}
🌱كل ما الواحد يكون قريب من حقيقته الأصلية الي ربنا سبحانه وتعالي صبغه بيها وغرسها جواه، كل ما يكون في تناغم و تناسق مع مواهبه وقدراته ويقدر يفعل رسالته علي الأرض ومراد ربنا منه ودوره في الحياة،
🌟💫وكل دور مهما كان بسيط هو ضروري ومهم لأبعد الحدود، وكل حاجة فيك فاكر انها بسيطة هي في الحقيقة مميزة جدا والكون محتاجك زي ما أنت.
🌿أنت مش محتاج تتغير أو تكون حاجة انت مش حاسسها ، كل المطلوب إنك تعرف نفسك وتطورها و تحسن فيها.
ودا الطريق الأحسن إن الواحد يقدر يساعد وينفع غيره و يعمر الأرض لأنه بيكون مفعل قدراته المميزة وفي التدفق بتاعه ،قادر يبدع ويحسن ويتميز ويعمل كل حاجة بحب وبيكون أثره صادق لأنه من جواه فعلا وبيعبر عنه...والأثر الصادق بيستمر✨
💌الخلاصة في كلمتين:
كل ما نتحقق من معني الإحسان ، كل ما هنقرب من فطرتنا ونسختنا الأصلية والمميزة والي هي تعبيرنا الفريد علي الأرض وأحسن طريق علشان نكون متواصلين مع نفسنا ومتناغمين مع شغفنل ورسالتنا ،علي طبيعتنا ،مرتاحين ومبسوطين ،أحسن طريق لنفع الي حوالينا ولعمارة الأرض.
#حياة_الإحسان
التعليقات