خلينا نبدا نسيطر على مشاعرنا وأفكارنا .... ونوقف سيطرتها علينا!
جرعة زائدة من المشاعر قد تقتلنا!
أكيد مش كل الوقت بنقدر نسيطر على مشاعرنا وانفعالاتنا.
بس..
لو حطينا شوي من المشاعر على أفكارنا بتتجه إتجاه لَيّن أكتر ,
ولو حطينا شوي من التفكير بمشاعرنا ما بنفقد السيطرة عليها.
كل علاقة بنمرق فيها بيتخللها مشاعر سواء كانت إيجابية أو سلبية مش مهم!
المهم قدرتنا على السيطرة في هاي العلاقات ومن ضمنها علاقتنا مع ذاتنا.
مشاعرك هاي هي اللي بتعطيكي الرغبة بالإستمرار في العلاقة أو إيقافها.
كيف بنقدر نعمل هيك؟
كيف بقدر أسيطر على مشاعري وأتحكم فيها ومش هي اللي تتحكم في؟
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
سيطرتنا على هاي المشاعر بتعتمد علينا, علينا وبس!
إعرفي وتأكدي إنو مشاعرك بتتغذى من أفكارك!
ف كل فكرة إلها شعور مُصاحب إلها وكل شعور بيٌنبع من فكرة معينة.
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
الفكرة اللي بتصدقيها وبنحبس حالنا فيها هي اللي بتولد مشاعر السلبية والإحباط وعدم تقدير الذات..
وهيك عم نرسم حياتنا ونبنيها على أساس خطأ ونابع من فكرة خطأ.
عملية مش سهلة أكيد بس بنهاية المطاف بتستاهل!
التعليقات
بتمنى من كل قلبي نكون عنجد منقدر نتحكم بمشاعرنا من خلال أفكارنا.. او عالاقل نأثر عليها لانه أفكارنا بالاغلب بتكون أصح و بتساعدنا لنكون أقوى اكتر