اقف مع نفسك وقدرها لانها تستاهل وهى اهم حاجه فى حياتك
الانسان لا يملك اغلي من نفسه 👌
بنقعد نفكر ف غيرنا كتير ونعمل حسابهم ونراعي مشاعرهم وزعلهم ع حساب نفسنا احنا ونيجي ع نفسنا
ونهملها تماماً وممكن كمان ننسي دورنا وحياتنا ورسالتنا
للاسف الناس وقتها بتاخد دا مننا كحق مكتسب ليهم
وكأنه بقي خلاص فرض وطبيعي اننا نراعيهم هم وبس ومش مهم نفسنا خالص
ولو مره قصرنا ولا تعبنا ولابعدنا بنتهم بأبشع التهم وانواع التقصير👎
وتفضل الرسايل من ربنا عشان ترجعنا لنفسنا ورا بعض
ورا بعض واحنا برضه غير منتبهين ليها ومكملين ومركزين مع غيرنا ودا بيسبب لنا تعب والام نفسيه كبيره ودوامه مالهاش اول من اخر بنكون عايشين داخل ظروف الاخرين ومتقمصين حياتهم ع الاخر بكل تفاصيلها وفجأه بننتبه💔
وتيجي اللحظه اللي بنقرر فيها نعمل ستووب ويبقى يابختك لو فعلاً قدرت تعمل دا✋
وتقول لا انا معنديش اغلي من نفسي
مهما كانت ظروفي ومهما كانت صعوبة اللي بمر به
لكن انا هركز مع نفسي وماليش دعوه بغيري
وهركز في دلوقتي حالا
مش هفكر ف امبارح ولا هشغل دماغي ببكره
انا ودلوقتي وبس 👌✋
ساعتها بس بينزل علينا قوه غريبه وصلابه تخلينا قادرين نتخلي عن اي حاجه مهما كنا هنموت عليها
الناس اللي كنا مفكرين مش هنقدر نبعد عنهم
الظروف اللي كنا مفكرين مش هنعرف نعيش من غيرها
كل دا بكل قوه بنبعد عنه
تخلينا نتقبل اي حاجه كنا مش قادرين نتقبلها
والوجع والالم بيقل او بيختفي كمان بمجرد ما اخدنا القرار
لاننا حرفياً منملكش اغلي من نفسنا وزاي ما ربنا سبحانه وتعالي قال 👇
" يَا أَيُّهَا الَّذِينَ آمَنُوا عَلَيْكُمْ أَنفُسَكُمْ ۖ لَا يَضُرُّكُم مَّن ضَلَّ إِذَا اهْتَدَيْتُمْ ۚ إِلَى اللَّهِ مَرْجِعُكُمْ جَمِيعًا فَيُنَبِّئُكُم بِمَا كُنتُمْ تَعْمَلُونَ (105)"
عليكم انغسكم يعني مالكش دعوه بحد ركز ع نفسك واختبارك وبس
قدر نفسك واهتم بيها وزكيها لانك بكده
بتقدم اكبر نفع للبشريه لما انت تكون انسان صالح
#انفسكم_اغلي_حاجه_تملكوها
#قدروا_نفسكم_اوي_لانها_غاليه
#الملهمه
#mona_darwish
التعليقات