لحلقة تم تسجيلها في ٨ مارس ٢٠٢١، اتكلمت مع شريف عن بدايات الإنترنت في مصر و دروس مستفادة كتير
الحلقة تم تسجيلها في ٨ مارس ٢٠٢١، اتكلمت مع شريف عن بدايات الإنترنت في مصر و دروس مستفادة كتير، عدينا على حاجات كتير من ضمنها ادارة الشركات و كيفية التعامل مع فريق عمل تقني.
تعريف النجاح، من ضمن المشاكل الي بتواجه الشباب في محولاته هي تعريف النجاح، الواحد بيبدأ مشروع و بيكون مش عارف ايه تعريف النجاح و امتى الواحد يعرف اذا الطريق الي البيزنس ماشي فيه صح و لا لا.
شريف اتكلم عن تجارب عدى عليها في أول حياتة العملية اتعمل منها و استفاد كتير لما كبر، وجهة نظر شريف كانت ان الواحد المفروض يجرب و يحاول كتير، لان في دروس فرعية الواحد بيتعملها، مش شرط ان التجربة تنجح كاكل بس في حاجات كتير ممكن نستفيد منها بمجرد التجربة، ده غير ان الواحد لما بيجرب بيكون موجود في السوق و ده في حد ذاته بيفتح مجال كبير لاستيعاب ايه الي بيحصل في السوق، لان الشركات البتكبر و بتنجح مش بتكون مختلفة كتير عن الي انت ممكن تكون عملته.
تعريق النجاح بيفتح الطريق لاستعمال ادوات قياس، ادوات القياس بتعطي مساحة لتحديد مدى قدرة الفريق على تحقيق أهداف المشروع
اتكلمنا بردة عن التعلم المستمر، وهي ان احنا في رحلتنا العملية التعليم مش بيقف، لو الواحد توقف عن التعلم فده مؤشر خطير بيدل على بداية النهاية، التعلم المستمر أصلة من الأعمال الفنية، لان التقنية و تطورها يجبرنا ديماً على تعلم و مواكبة كل ما هو جديد
المسؤليه/الملكية/الاستقلالية، اتكلمنا عن كيفية أدارة الأفراد و كيفية فتح مساحة كبيرة لاستكشاف و استخدام مواهب و قدرات الفريق، عن طريق أطار عمل شريف طورة، شريف وضح ليه كل جانب مهم و وضح كمان العلاقة ما بينهم، في جزاء مهم جداً شريف اتكلم عنه وهو مساحة الخطاء و الدعم للفريق.
بشكل عام الحلقة كانت ثرية جداً لان خبرة شريف كبيرة و لان شريف كمان عنده فلسفة لادارة فريقة و التعامل مع العملاء.
التعليقات