يسر أم عسر؟

تشعر إنه دائما يجي على بالك عدم إستحقاق أو توقعات سلبية وسيئة؟ يمكن هذه المدونة تلهمك ..

كلام لي قبل ما يكون لأي أحد ثاني،

كل إنسان حيشوف في حياته اللي هو مقتنع بيه .. الخير موجود والشر موجود .. الحسد موجود وحماية ربنا موجودة .. التطور موجودوالكسل والخمول موجود .. وهكذا ..

قناعاتك وإيمانك بالسيء حيجبلك سيء، وتوقعك للأفضل وتجهيزك له، وقناعتك بإستحقاقك العالي حتجبلك الأفضل ..

اتذكر إنه ربي خلقك، يعني من حقك تكون قوي، وتكون جيد، وفنان، ورائع، وحكيم، وتستحق الأفضل، لأنك بهذا الشيء، بتمارس قيمةالإيمان بربنا وبعطاءه،

وأتذكر إنه لما تركز على الجميل، حيتكاثر في حياتك، ولو جلست تتشكى وتلوم، حتحاط بالتعاسة من كل مكان ..

وربنا قال في معنى الحديث القدسي أنا عند ظن عبدي بي فليظن بي ماشاء ..

وربي لا يعاملنا معاملة البشر لبعضهم، ربنا يحبنا، ويسامحنا، ويعرف دواخلنا، ويغفرلنا، ويشوف حيرتنا، ويشوف ترددنا وتذبذبنا .. بسخلينا نكون معاه، وهو حيحتوينا بشكل ما نتوقعه، وحيكون دائما في صفنا .. دائما ..

ممكن حتى لو ربنا حيعلمنا درس، ممكن يعلمنا هو بأيسر الطرق .. مو لازم دائما تكون مصيبة عشان نتعلم الدرس! آمنوا بهذا الشيءواطلبوه من ربنا ..

الموضوع في النهاية خيار، وإنت قرر إيش تختار .. تختار تشوف اليسر والجمال وتؤمن فيه، ولا التعقيد والتعاسة ..

أتمنى لكم حياة كريمة، مليانة قوة واستحقاق ومنظور جميل ومبهج ..

أتمنى لكم تركيز في الذات، ونجاحات، وتسليم وتوكل ..

يومكم سعيد ☘️💕