الهندوسية.. من كتاب: ديانات أخرى..ل أنيس منصور....
#ديانات_أخرى..#أنيس_منصور#الهندوسية..
م الديانات القديمه اللي اعتنقها الانسان يمكن أكثر من 400 مليون هندي اتبعوها ..👨👨👦👩👩👧👧👨👩👦👦
ف العصر القديم.. لا كان ليها كتاب واحد ولا نبي واحد ولا إله واحد..
ولكن طرأ عليها تعديلات وبقى معتنقيها عندهم 3 او 4 او 7 آلهة..
وبقى ليهم كتاب عن الطقوس والابتهالات والصلوات الهندوسية..
الغريب إن أغلب اللي يبص ع الديانه دي من بره بيشوف طقوس الهندوس فقط
يعني مثلا تقديسهم للبقر والقرود والثور والنمل والنحل وهكذا..
استنكار كبير أوي من زعماء الديين والسياسيين للنوع ده م المقدسات
واحنا نفسنا نستغرب ازاي بني ادم يقدس نحله او بقره..🤔🤔
ولكن اسمحلي اقولك الهندوس بيشوفوا الموضوع ده ازاي!!
هما مؤمنين بتقديس كل كائن حي له روح بسبب قناعتهم إن الروح شئ مقدس وأبدي مش بيموت..
عارف الفئة اللي بتؤمن بتناسخ الارواح
او في مصطلح تاني كده مش فاكراه
بيُطلق على الفِكر اللي بيؤمن بإن الانسان لما يموت روحه بتنتقل لجسد تاني..
وف الجسم الجديد بتٌكفر الخطايا وبتفضل تتنقل كده لحد م الحياه تخلص
الهندوس مؤمنين بكده..وده سبب ورا تقديسهم للأرواح..
مؤمنين بإن الحياه لما تنعدم وتخلص وكلنا نموت هترجع حياه جديده تاني لكن بعد ملاييين السنين
"الجيتا" ده كتاب من الكُتب المقدسه عند الهندوس تلاقي فيه قاعده كده بتقول:
إن الانسان لازم يظبط نفسه ويتسلط على حواسه ويتقشف ويتعمد ف محاربة جسمه..
والروح.. الروح فقط هي الشئ الوحيد اللي ملوش بدايه ولا نهايه..
تلاقي فيه عباره قيل فيها
"الروح هي عين العين..وأذن الأذن..وعقل العقل ..وجسم الجسم.."
الغريب إن واحد من الائمة الهندوس المعروفين وده "راما كريشنا" قال:
إن التكامل الروحي إنك ترى جسماً نحيلاً مشفوفاً
وترى عينين لامعتين حادتين كأنها مرآه تعكس الرسائل السماويه.."..🤔
الراجل ده كان بينشر نوع من انواع التصوف تقريبا بس في مُغالاه..
وكان في زيه مئات الالوووووف م الهنود..
الدين الهندوسي اتغير بدرجه كبيره عن زمان وفي مقوله لكاتب بيقول
"لو ظهر واحد من الهندوس القدامى ورأى مايفعله الشباب لمات فوراً"
دلوقتي الهندوس اهتمامهم بالدين اتغيير وبيكتفوا بالحد الادنى من التقديس
ومش بيشغلوا نفسهم بالعباده فقط زي الهندوس القُدامى
وتقريبا مبقاش متداول عندهم فكرة وجوب الصلاة قبل الخروج م البيت او قبل الاكل
ولا ان الهندوسي لازم يوطي راسه لصوره ع الحيطه او تمثال او غيره.."
وحاليا تلاقي طقوس هندوسيه رمزيه هي اللي فضلت مستمره..
يعني مثلا ف الهندوسيه الناس مش بتروح المعابد ف جماعه والصلاة مش ف جماعه...
عندك العروسين بيلفوا حولين النار سبع مرات وهما رابطين طرف هدومهم ببعض
ده اساسي ومستمر ف الهندوسيه زي اللي ف الافلام الهنديه..
لو المرأة ف فترة الحمل ف لازم يصلوا ولما الطفل يتولد بيصلوا وتفضل الصلاة ف البيت 10 ايام
بعدين يشوفوا اسم للطفل..
بيطهروا الاطفال عادي ولكن في طقس غريب عندهم
انهم بيحطوا للطفل خيط حولين كتفه اليمين المفروض الخيط ده بيفضل مدى الحياه
بس انا مش فاهمه ازاي الصراحه..🤔
ولما الواحد يموت بيحرقوا جثته ويرموا عظامه ف النهر
والناس تفضل تصلي للروح 10 ايام لحد م الروح تدخل جسم تاني..
هما مؤمنين بكده..
كان من عادة المرأة الهندوسية اللي يموت زوجها هي كمان تقتل نفسها من بعده..
او تدخل النار وهي حيه.."يعني على اساس لا حياة بعد الزوج ف عقيدة الهندوس"
بس العادة دي اتلغت لما الهنود اتأثروا بالديانه المسيحيه والاسلاميه..ومبقاش مقبول واحده تموت نفسها بعد زوجها..
الهندوسيه بتشوف الحياه عذاب ولازم الانسان يستحملها لحد م يتخلص منها..ومفيش خلاص م الحياه الا بالزهد
وتقدر تقول ان هدف الديانه الهندوسيه بيتمثل ف 4 جُمل..
المعرفة اعظم م الممارسه..
التأمل اعظم م المعرفه..
الزُهد اعظم م التأمل..
والسلام أعظم م الزُهد..
شكرا لقراءتك..
التعليقات