انك تختار بين الحاجة اللي بتحبها اللى بالمناسبة طريقها مجهول وبين حياتك العملية وشغل تعبت فيه وكبرت، القرار والإختيار ده اكيد حاجة مش ساهلة
مقتنعة أن القرار المؤجل قرار ملغى وعمره ما يتنفيذ، أنا معاك أن أى قرار محتاج أننا نفكر فيه والو لثوانى وده أحنا متفقين عليه ومش هو ده النقطة اللى اقصدها، لكن في قرارات كبيرة ومهمة أحنا بنكون مترددين بشأنها، وكل ما نأجلها.. فرصة أننا ننفذها بتقل بتقل أوى، لدرجة أن ممكن تعدى سنين وأحنا لسه بنفكر هنتصرف ازاى في الموضوع الفلانى.
وعشان الصورة تكون أوضح، قرار أنك تسيب الشغل مثلا سواء تشوف مكان تاني أفضل، أو تغير مجال عملك كله، كلنا بقالنا سنين بناخد في القرار ده تقريباً من أول أسبوع اشتغالنا فيه.
المجهول أكثر حاجة مرعبة بالنسبة للبشر، ومن صفات المجهول أنه مش بأيدك، ومش بتاعك اصلا بكره مش ملكك أنت تملك الآن وفقط، مش هقولك بطل تفكر في بكره وتحسبها وتدرس كل قرار.
لكن انت ممكن تحدد لنفسك وقت ومكان تنجز فيه مهامك، تنعزل فيه بنفسك لفترة وجيزة وتستعيد فيه اطمئنانك، لو بطلت تخاف من بكره هتقدر تاخد قرار سليم.
التعليقات