القرار المهم يجب ان يتخذ فورا لكي لا يتسبب بالندم للشخص في المستقبل
قررت قرار كتير بعتبره مهم بحياتي وهو أنيّ كون شخص أناني بحق نفسي!!
أي أنانية بحق رغباتي وطموحاتي واحتياجاتي، لازم كون هيك لأقدر أعيش صح، كيف بقدر هيك أعيش صح بأني ما بدي أغير العالم بدي أغير نفسي بس، وما بدي أفيد حدا قبل نفسي، لأني إذا فدت نفسي راح أقدر أفيد إليّ حوليني، بكل بساطة، الأنانية هي حتخليني اتمتع بصحة نفسية وجسدية كبيرة، وأتخذ القرارات بناءًا على صحتيّ النفسية والجسدية مو بناءًا على رغبات وقرارات وصحة أي شخص، أنا أولًا هذا القرار مهم يأخذ كل شخص، مثلًا قبل كنت أتواجد عالانستقرام فترات طويلة وأحاول أصنع محتوى وأفيد العالم، بس لاحظت أثر عصحتي الجسدية والنفسية يعني وقت أسوي محتوى وما أشوف تفاعل كبير ممكن اتأذى نفسيًا بأني تعبت لصنعت وما لقيت المقابل، وهي الفكرة لفترة تعبتني، لهيك حتى صناعة المحتوى صرت أقللهُ، لأني بدي وقت لنفسي، ونفسي بس الأحق بالنصح، والمساعدة والرعاية، وكل شخص لازم يرعىى نفسه قبل ما يحاول يرعى ويساعد الآخرين، قرار أنانيّ خلاني أحس بأني إنسانة حقيقية بسيطة، ما بدها تتصنع المحتوى والثقافة والخبرة، إنسانة بدها تعيش هل شغلات على أرض الواقع، بدي أعيش وأصنع إليّ،مو لأي شخص لا متابع ولا مستخدم ولا أهليّ ولا زوجي ولا الأقارب والمعارف أعيش إليّ بصحة جيدة، وأعيش شي حقيقي بعيدًا عن السعي المستمر اللاهث وراء الشهرة، وبيكفيني شخص يقرأ شو كتبت وصلت لهل قناعة مو ضروري أكون كاتبة مشهورة، المهم أكون كاتبة صادقة مع نفسها وتحب شو بتعمل وهي الأخيرة زوجي قلي ياها، أكتبي لأنك تحبي مو منشان الشهرة، ولا منشان المردود، أكتبي إلك، وعيشي إلك .
أنانية صحية ...
التعليقات