لازم نحط حدود لصحتنا النفسية ما تتأذى نفسيتنا وهذا الشي بيأثر علينا سلبا
حط حدود
_____________
راح أكتب هل مرة بالعامية لتكون قريبة إلكم أكثر، حط حدود، ولازم كل شخص بيكون في بحياتهُ حدود للأشخاص المقربين قبل الغرباء، الحدود بتوفر عليك تعب نفسي وجسدي وعقلي، حط حد لكل شخص بيكسر خاطرك لأول مرة، وخليه يتعلم بأنها الأخيرة، وبأنك مو شخص ضعيف يسمح للناس تكسر فيه، حط حد لكل شخص بيحاول يقلل منك بجلسة أو عالنت أو من زملاءك او أصدقاءك أو حتى أهلك " زوج _ حبيب _ أب " whatever شو بيكون مقامه ومنزلته بحياتك حط حد، ما تخلي الأشخاص يفوتوا ويطلعوا من حياتك هيك وبيأخذوا شي من نفسيتك ووقتك وبكل بساطة، لا تفتح الباب لأي شخص وإذا مش متأكد لا تفتحه أبدًا قبل ما تشتغل عشخصيتك وتعرف كيف بتحط حدود، الحدود مهمة بحياتنا، وبتعطينا استقلالية وتقدير واحترام للذات وتخلي الآخرين يحسبولك حساب ويعاملوك مثل ما تحب تعامل نفسك بكل لطف واحترم، الحدود بتساعدك تفهم شو الأعلام الحمرة بحياتك، شو هي المواقف والعقد إليّ عندك وخطوطك الحمرة إليّ إذا حدا تجاوزها تبلش تشغل زمور الأنذار، الحدود بتخليك تصقل مهاراتك، وتلاقي وقت لنفسك وتساعدك تحقق أحلامك، وتدخل فيها الأشخاص إليّ فعلًا يستحقون يكونون في حياتك، حط حد لكل شخص بيحاول يصغر منك وقله " أنا بحترم حالي، وبحترم الآخرين بس إذا أنت ما بتحترم الآخرين، الآخرين راح يخلونك تخجل من حالك وقت ما يحترموك ويعاملوك بنفس طريقتك السيئة " رد بوجه كل شخص بيسببلك تجاوز ووجع، وربيه بكلمتين أدبيات وعاقبه بالنسيان والتجاوز ، حط حدود وعيش بسلام .
بتمنى تحبوه لهل موضوع وتشاركوني آرائكم، وشو هي حدودكم وأنتوا أشخاص بيحطوا حدود ؟!
أنا بحط حدود وبواجه إذا شخص تجاوزها، الشغل ما بدها خجل أبدًا، أحيانًا لازم تكون شوي أناني وتحب حالك قبل الكل وتحط لنفسك خطوط عريضة .
بتمنى يكون الموضوع مفيد
@baidaa.alsaleh ..🌸🌟
التعليقات