لما بتدخن بتدخن لحالك؟‬

‫التدخين بالأماكن العامة كمان يعتبر وحدة من أسوء الأمور يلي المدخن ممكن يعملها، لأنه الناس الموجودين حواليك كتار و ما بتعرف شو ممكن يكون عندهم،

‫يمكن تفكر القصد بالعنوان هو سؤال الك ازا بتدخن لحالك و لا في ناس بدخنوا معك، بس السؤال هاد الو قصد تاني، يلي هو الناس يلي بدخنوا معك بدون ما يمسكوا سيجارة و بدون ما يكون بدهم يدخنوا، بالمعنى التاني عم بنحكي عن التدخين يلي بصير بدون إرادة بعض الأشخاص و يلي اسمو التدخين السلبي. ‬ ‫لو بتفكر لو لمرة وحدة لما بتشغل سيجارتك و انت قاعد جنب أهلك أو صحابك يلي ما بدخنوا أصلا شو ممكن تكون عم بتسببلهم رح تستنى كتير قبل ما تولع السيجارة، لأنك حر بجسمك و صحتك بس مو حر بصحة غيرك، لو بدهم يدخنوا كان دخنوا متلك بس ما بدهم، ليه بتدخن عندهم و بتأذيهم؟‬ ‫لو بدنا نحكي عن المفهوم تبع التدخين السلبي بشكل علمي فهو"استنشاق الدخان المنبعث من منتجات التبغ التي يستخدمها الآخرون". يعني لما انت بتدخن بوجود أي حدا فهو تلقائيًا بيتأثر بنفس الطريقة يلي بتتأثر فيها انت بس الفرق إنك انت بإرادتك و هو بغير إرادته.‬ ‫كتير من الناس عندهم أمراض كتيرة، منها يلي ما بيقدر يتحمل الدخان لأنه ممكن يسببلو ضيق بالنفس أو ممكن يكون من مرضى المشاكل الرئوية يلي طبعا التدخين رح يسببلهم حالة تدهور صحية سيئة، و كله ليه؟ عشان حدا يشغل سيجارته عند أهله أو صحابه أو حتى بمكان فيه أطفال.‬ ‫التدخين بالأماكن العامة كمان يعتبر وحدة من أسوء الأمور يلي المدخن ممكن يعملها، لأنه الناس الموجودين حواليك كتار و ما بتعرف شو ممكن يكون عندهم، ليه تكون سبب بأي أذية لأي إنسان؟ ‬ ‫فكر منيح بكل مرة بتيجي تطلع فيها سيجارة، الناس يلي حواليك ما إلهم أي ذنب ينأذوا بسبب سيجارتك.‬Just now