ثمة علاقات تفسد بتدخل الآخرين وفرض آراءهم ..
ثمة علاقات تفسد بتدخل الآخرين وفرض آراءهم
الخلافات في العلاقات الإنسانية بين البشر شيء وارد وطبيعي انه يحصل بين أي اتنين
ومهم وقتها نتعامل مع الخلاف بيننا بحكمة وصراحة
دخول أطراف تالتة بنية حل الخلاف بين اتنين ممكن يزود الخلاف ويفسد العلاقة تماما
خصوصا لو طرف من الاتنين اخد كلام الطرف التالت ونفذه بالتفصيل اعتقادا منه إنه بيحاول يتفاهم ويحل الخلاف لكن اللي بيحصل هو العكس تماما
لأن الطرف التالت مش بيكون عارف طبيعة الخلاف ولا تفاصيله اللي الطرفين عاشوها ونصيحته بتكون سطحية وممكن تفسد بين الاتنين أكتر
طالما الطرفين او واحد منهم حريص كل الحرص على التفاهم وحل الخلاف ف ليه طرف تالت ندخله يفسد كل شيء ويخلي فيه نزاع بين الطرفين
أوقات كمان حل الخلاف مش بيكون في اننا نرضي رغبة أحد الأطراف بتجاهل كل شيء يخص الطرف التاني
الحل أوقات بيكون في التصافي والمسامحة والغفران بدون إنتظار أي مقابل
ومش شرط للمسامحة والغفران إن لازم يترتب عليها موقف أو قرار أو تنفيذ رغبة طرف من الاتنين
المسامحة والغفران لإن الود والمحبة حقيقية وكلنا بشر ودي طبيعة الحياة والعلاقات
التعليقات