كيف تواجه الصعوبات, جانب مما واجهته وتعلمته بحياتي بشكل عملي وبعيدا عن التنظير
أعرف أنه :
بالحياة رح تصادفنا كتير عراقيل , ومعظمها مش من الظروف لا, منا احنا من أختياراتنا نفسها , من الاشخاص اللي حولينا وهون لازم الكل يعتنق مقولة أخطر شيء على الانسان هو الانسان نفسه , هالمقولة مش هدفها تخليك تعتزل الناس او تكون انطوائي بالعكس , خالط وتعرف على أفكار وثقافات الجميع بس دايما خليك حذر , حليك متيقن انه ما في حدا بالدنيا كلها ممكن يساعدك أو يخليك قوي الا أنت ,
السر:
في سر مهم جدا ويغفل عنه الكثير بما يخص التغلب على العراقيل هالسر ببساطة هو انك تكون متفق بينك وبين نفسك (متحدثا مع عقلك الباطن) وبشكل مسبق بأنه في صعوبات بالحياة رح تصادفها وفي ثغرات كتيرة ممكن توقع فيها ولأنها طبيعة الحياة وما في شخص بكل العالم ممكن يغير هالحقيقة, لازم أتعامل مع هاد الواقع , لازم اواجه هالصعوبات , وأكيد رح أكون قدها .
صدقني وبعد تجربة عميقة مع هذا الموضوع رح تصير تتعامل مع اي مشكلة بتصادفها بكل هدوء وذكاء , متل تماما لما تكون بتعرف عن الاشي قبل ما يصير .
تشبيه :
الموضوع ببساطة بيشبه تعاملنا مع الامتحان, لما الاستاذ أو الدكتور يدخل على المحاضرة و يحكيلنا اليوم عندكم امتحان مفاجيء ,هل تعاملنا مع الموقف رح يكون متل لو كنا عارفين قبل بأسبوع بأنه اليوم رح يكون في أمتحان ؟ أكيد بالحالة التانية رح نكون مستعدين , مجهزين حالنا للأسئلة ورح نجاوب عليها بكل ثقة ويقين لانه بأختصار أنت محضر نفسك ,
قاعدة:
خلي دايما ببالك قاعدة بسميها قاعدة التحدي الخاصة بالمشاكل وصعوبات الحياة , القاعدة بتحكي : أي مشكلة او ظرف بيمر بحياتي هو فرصة لأثبات أني قادر على التصرف بشكل سليم ,وبالعكس الاستفادة من الموقف بحياتي القادمة .
ودمتم .
أحمد الصادق
التعليقات