أقدّر جدًا التجارب الجديدة اللي تصقل الشخصية والمهارات واللي تخلي الشخص يكتشف نفسه .. هذه التجربة كانت فريدة من نوعها 😍❤️ ولله الحمد
في يوم من الأيام، جاني اتصال بإنه رشحوني الأصدقاء أنس ومحمد لفرصة إنه أشارك كميسّر في "مخيم بناء الفريق" لإدارة الأمنالسيبراني في نيوم 🙏🏼
من أول مكالمة حسيت في شيء قوي بيشدني للمشاركة، وكنت حاسة إنها تجربة ثريّة وحتعلمني الكثير.. وبالرغم من إني ماكنت عارفة إيشالمطلوب بالضبط، وماكان عندي تفاصيل كثير، بس وافقت! 😩💪🏼
بدأنا التجهيزات، وكانت فيها عناصر جدًا حماسية.. كنت باستخدم مهارات التحليل، والدقة، والخيال والإبداع، والمتابعة، وإتخاذ قراراتمبنية على تجارب مبدئية وفيها نوع من المجهول بشكل يحمس! 😃
كان عندي شوية توتر لأني حأكون بأتكلم وأقدّم لمدة ساعتين تقريبًا يوم الفعالية، والموضوع يحتاج تجهيز كثير؛ بس بمساعدة الفريق (أنسومحمد)، وبِتَكَامُلْنا في الشغل بتفاهم وسلاسة، الحمدلله بدأ كل شيء يوضح ويأخذ مكانه يوم ورا الثاني
وصلنا نيوم، وفي يوم الفعالية بدأنا نتجهز من ٦ ونص الصبح، رحنا المركز، وبدأنا نستعد.. استعداداتي النفسية كانت أهم بالنسبة لي مناستعداداتي الماديّة..
خرجت في الطبيعة، عند البحر والزرع ☘️🌊🌿 وعملت تأمل سريع.. قرأت أدعيتي، وطلبت من ربنا العون، واتوكلت عليه..
شربت نعناع وزنجبيل، وأخذت حلاوة نعناع، عشان أجهز حلقي إنه يتكلم ساعتين 😂❤️
وكانت وحدة من أجمل ساعات حياتي.. حقيقي لقيت نفسي منسجمة ومتدفقة مع الموجة.. الحمدلله كان كل شي بيحصل بيسر وبدون أيضغط مني، وكأنه كنت بأتجهز ليوم مثل هذا من سنوات!
وما أنكر إني اتعلمت الكثير من هذه التجربة كمان، اتعلمت التدفق والمرونة أكثر، من كم موقف حصل.. اتعلمت إني استمتع حتى وأنااشتغل وما أكون جديّة طول الوقت.. واتعلمت وعرفت إني أقدر دائمًا!
بعد ما خلصت، حسيت جوتي إنه هذا شيء أبغا أعمله أكثر، وبعد ما سمعت ردود فعل الموجودين، وفريق العمل، والإداريين على أدائي وللهالحمد، هذا الشيء خلاني أتأكد إنه فعلًا هذه وحدة من الأشياء اللي ربي سخرها لي.. وبأفكر جديًّا أخذ الدورة عشان أكون ميسّر معتمد - بإذن الله 😍👏🏼
أشكر أصدقائي على إتاحة هذه الفرصة لي وجعلها سلسة ومرنة 🙏🏼
والأكيد إنه هذا مو التعاون الأخير 💪🏼
تلاقوا على صفحتي في الإنستقرام ڤيديو المخيم وتفاصيل أكثر 😍
شكرًا لكل مين قرأ، وأتمنى لكم إنجازات منعشة وتتعلموا منها وتكونوا في تطور دائم 😍
التعليقات