مع بداية الدراسة إزاي أحمي إبني أو بنتي من التنمر؟
#التنمر #Bullying..#التنمر هو واحد من أشكال كتير للأذي للإساءة للعنف اللي ممكن يتعرض ليها أشخاص كتير جداً بشكل متعمد ومتكرر من مجموعة من الناس.. والتنمر إما بيكون لفظي بالإستفزاز والسخرية أو التهديد أو بيكون جسدي بالضرب والصفع يعني أذي بدني والنوعين دول بيتصنفوا تنمر مباشر..
أو بيكون تنمر عاطفي وهو التنمر الغير مباشر من خلال التهديد بالعزل الإجتماعي ونشر الشائعات ورفض الإختلاط بيك وتحريض الناس علي كده وإنتقادك إنتقاد ملابسك دينك جنسيتك لونك شكلك وكمان تهديد أي شخص يحاول يدعمك.. بيحصل فين التنمر؟ يعني ممكن تقابله فين؟
في المدارس كل المراحل الدراسية ممكن كمان باص المدرسة وفي الجامعات.. في النادي... في الشغل بين الزملاء وبعضهم أو الرؤساء والعاملين... علي النت ممكن يجيلك رسايل تهديد علي الميل أو رسايل تهديد علي الموبايل..وأوقات التنمر الإلكتروني ده أحد وسايلة هي التحرش الإلكتروني!
ممكن في البيت الأب أو الأم ومجموعة من الولاد ضد ولد واحد... ممكن في عائلة واحده يتنمروا ضد أسرة جواهم ويمارسوا عليها العزل الإجتماعي...
ممكن تنمر سياسي دولة قوية ضد دولة أضعف..ليه صور وأشكال كتير جداً.. سبب التنمر إيه؟
علماء النفس قالوا إن الشخص المتنمر ده عنده مشاكل كتير أوي.. ممكن اللي وصله لكده ظروفه المادية الصعبة ظروفه الأسرية ممكن بيعاني من مرض عضوي ممكن عنده نقص ما بسبب شكله مثلاً كل ده بيوصله لإضطراب الشخصية وعدم تقديره لنفسه وإدمانه السلوك العدواني والإكتئاب و الأمراض النفسية!! طيب الشخص المتنمر عليه اللي بيمارس عليه التنمر بيحصل له ايه نتيجة للتنمر؟
أو أعرف منين إن إبني بيتعرض للتنمر؟؟هاينسحب هايفضل العزلة ويميل دايماً للصمت والوحده هايعاني من قله النوم او زيادته ومن فقدان الشهية أو زيادتها... ممكن يكتئب يبقي عدواني.. هايهمل مظهره هايخاف ممكن يبقي جبان جداً هايعاني من مشاكل نفسية وسلوكية وعاطفية وقد يتحول لمتنمر وهايعاني من مشاكل عضوية من صداع وآلام في المعده...
والأفظع من كل ده إنه ممكن ينتهي بيه الحال منتحر !!!في إحصائية بتقول إن نص أطفال العالم تعرضوا للتنمر مرة واحده علي الأقل خلال المراحل الدراسية و إن 10% منهم إتعرضوا لضغوط عنيفه بشكل منتظم..
و الدراسات أثبتت إن المتنمر معرض للأذي النفسي والجسدي والفشل في حياتهم زيهم زي المتنمر بيهم بالظبط... أعالج التنمر إزاي؟
العلاج لازم يكون من البداية يعني من الصغر يعني أهم الأماكن اللي هاتقوم بالدور ده..
البيت الأسرة اللي هي دايماً بتكون حجر الأساس لبناء الشخصية.. لازم يتأكدوا الأول إن الطفل بيتعرض للتنمر أو هو نفسه المتنمر ويعرفوا السبب يتكلموا معاه يتجنبوا وصفه بإنه مؤذي أو متنمر خصوصاً لو قدام الناس يتحكموا في الأفلام والمسلسلات والكارتون اللي بيتفرجوا عليه بلاش أفلام عنف أو أفلام فيها أشخاص بتسخر من بعض.. نساعدهم يقربوا من ربنا..
نزرع فيهم الثقة بالنفس نصاحبهم.. نعلمهم نشاط رياضي نتابعهم علي وسائل التواصل الإجتماعي.. نبعدهم عن الفراغ نسأل عليهم دايماً في المدرسه ونتعرف علي أصحابهم نحاول نلاحظ لو في أي علامات ضرب علي أجسامهم.. نربيهم نتعب شويه ونربيهم صح. المدرسة تحط قوانين رادعه لحماية الطلاب والمدرسين يحلوا مشاكل الطلبة بطرق سليمة يوجهوهم صح..
المدرسة تعمل أنشطة كتير تجمع الطلبة ببعض وتقربهم من بعض.. يحولوا الطلبة المتنمرين بعد إبلاغ أهلهم للعلاج النفسي...
وطبعاً النادي ليه نفس الدور... ربوا أولادكم بطريقة صح تابعوهم عشان تقدروا تحموهم من مشاكل كتير ممكن يتعرضوا ليها في المستقبل. ممكن تتفرجوا علي فيلم wonder
ومسلسل 13 reasons why
بيعرضوا الحالة.. حالة التنمر
التعليقات