"عِز نفسك تجدها فمن هانت عليه نفسه يراها على الناس أهون"

اليوم قرأت جملة بعمري ما رح اقدر انساها و لا أتخطّاها، الجملة بتقول:

لا يُؤتَمَن من استطاع أن ينام و هو يعلم أنه تسبب لك في ضيق ، لا يُؤتَمَن من مَضى و نَسي العِشرة و لم يتردد لِلحظة لا يُؤتَمَن حتى و إن عاد



من بعد ما كنت دائما بحاول أكون الطرف المنيح و المعطاء و الي بمنح ثقته للآخرين لكن مع ذلك ما كانت بسهوله,

اقتنعت فعليا بعد هالوقت الكثير و القليل الي قضيته بحياتي و بعد المواقف و بعد الجمله إنه لما أمزع الصفحة لازم أتلِفها و ما احتفظ فيها، و لما أسكر الباب مش لازم اتركه (موَارِب) لازم أخبطه بكل قوتي ، و لما اكون على حق مش لازم ابرر لازم بس استمر ب الي بعمله، و الأهم و "الأهم" انه لما افقد ثقتي بشخص معنى هالحكي انه فقدتها و خلص و مش لازم ارجع اعطي فرصه،


دائما كنت أحكي إنه الإنسان عندي موقف , شو يعني؟

يعني المواقف رح تثبتلك صحة نظرتك و تحليلك للشخص المقابل , و دائما في بداية العلاقات و التعارف بين أي شخصين بتكون هالة الشخصين غالبه عنظرتهم لبعض و كأنه كل واحد فيهم ماسك كشاف و ضاويه بوجه الثاني و مش شايفين الا النور و الضو فبالتالي مافي عتمه , مع الوقت رح يملو و همه ماسكين هالكشاف و رح تبلش ايدهم تميل و تهتز و السواد رح يبلش يبين مع الوقت و تدريجيا, هالسواد مش شر ولا اشي همه تعودو يخبوه لا أبدا يمكن هاي طبيعتهم بس ما قدرو يوخدو راحتهم في بداية المعرفه و ما قدرو يظهرو جوفهم ,



نرجع للإنسان موقف , بأول موقف بتعب فيه الانسان من مسكة هالكشاف رح تبلش تبين معك شخصيته بشكل أوضح ف الي بأول موقف رح يوقف معك و يقدرك لا تنساه و أصلا انت ما رح تقدر تنساه لأنه ضمن قائمة الناس الي ما بغيرها لا زمان ولا مكان و غالبا هالناس همه رفقة عمرنا بكونو, يعني بضلو معنا للآخر حتى لو مافي تواصل يومي و همه نفسهم الي خطرو عبالك بهاللحظه , و الشخص الي بسيئلك بأول موقف لا تنسى اساءته ولا توقف عندها تجاوزها و تخطاها و تخطاه ,

مبين كلامي مش منطقي يمكن كقراءة بس لما تتمعن رح تفهم شو بقصد ومن أول موقف تتخطاه أه من اول موقف "كبير" تخطاه لأنه هالموقف كان نقطه من بحر و انت و خيالك , في ناس دائما عنا بكونو استثناءات و غالبا هالاستثناءات أكتر الناس الي ممكن يأذونا مع الوقت لأنك لما تهون ع شخص مره رح تهون عليه ألف مره و الوقت رح يثبت صحة كلامي لما يرجعو هالأشخاص بعد فتره و يحاولو يدخلو حياتنا كمان مره و يوقف الموضوع ع ردة فعلنا ....

يا بنتقدم لقدام يا بنرجع أميال.


-موارب : يعني مسكر تسكيره الا ربع.


  • رناد فارس المصري


إنسان

ألهمني ألهمني أضف تعليقك

التعليقات

الانسان كائن معقد بكل تفاصيله فيه اشياء مش ممكن تتفسر ولا تتحلل والغريب اكثر انه كل انسان بفرق عن اخوه لاانسان ومش ممكن تلاقي بشريين اثنين بشبهو بعض _كتبت بالعامية لانه النص فعليا بالعامية وحبيت اشبهه واكتب بطريقة حروفه

تدوينات من تصنيف تحفيز

تدوينات ذات صلة