العبادات عاملة زي الأبواب، خليك دايماً فاتح أكتر من باب احنا مش عارفين عندها الجنة من أنهي باب
من سار بين الناس جابراً للخواطر
أدركه الله من جوف المخاطر
دكتور كبير بيحكي:كنت بكشف على الشيخ الشعراوي مرة فسألته وأنا بكشف عليه "يا ترى يا شيخ ايه أفضل عمل صالح ممكن أداوم عليه خاصة وأنا في أواخر العمر"، رد الشيخ الشعراوي على الدكتور وقاله "خمن إنت كده يادكتور يا ترى ايه".
رد الدكتور وقاله الصيام؟ قاله لأ.
قاله الصلاة؟ رد وقال برضه لأ.
طب العمرة؟ برضه لأ.
طيب ايه هو يا عم الشيخ:رد الشيخ الشعراوي وقاله أفضل عمل تعمله "إنك تجبر بخاطر إنسان"
لفت الأيام والدكتور كان عنده أجازة يوم المهم جاره اتصل بيه في يوم الأجازة وقاله بالنص كده"دكتور أنا خالة مراتي عندك في العناية جبر خاطر ابقى عدي اطمن عليها وطمنا"
الدكتور بيقول جه في بالي كلام الشيخ الشعراوي وكلام جاري فحسيت إن دي رسالة من عند ربنا، بيقول نزلت
أجيب طلبات للبيت على اعتبار إن النهاردة أجازة ولسة هركب المحور افتكرت كلمة جاري"جبر خاطر ابقى عدي على خالة مراتي...الخ"
لفيت لطريق المستشفى وأنا طالع لسلم المستشفى جالي أزمة قلبية"جلطة في الشريان التاجي"، خدت العلاج بعد ما جالي الجلطة بدقيقة، بيحكي وبيقول إن الأزمة القلبية الدقيقة بتفرق معاها، دقيقة ممكن تنقذ بيها حياة إنسان، بيقول أنا لو مروحتش المستشفى ساعتها كنت مت فوراً.
أنا ابني اللي عملي القسطرة لقيته واقف وعمال يعيط وبيقولي إنت عايش ازاي قولتله:"جبر خاطر "
جبر خواطر الجزء الأول، يتبع بقصة أخرى.
-جمال عبدالحليم.
من سار بين الناس جابراً للخواطر أدركه الله من جوف المخاطر
التعليقات