" فجأة ومن دون سابق إنذار، كل الخطط ممكن تتغير !"
يمكن قعدت مع حالك ببداية السنة، و بإيدك قلمك والدفتر، وبلشت تكتب، تكتب خطتك لهاي السنة، من وين بدك تبدأ، وشو هو الطريق الي حتمشي فيه، كتبت قائمة أهداف 📑 ، لتمشي فيها واحدة واحدة، وكنت متوقع من نفسك بعد كم شهر من هاي السنة، حتكون حققت جزء كبير من هاي الأهداف، لتوصل لنهاية السنة وانت عامل ✔️ جنب كل هدف حطيته بهاي القائمة، وتمسك هاد الدفتر وتحطه بالارشيف..
لتتفاجىء بيوم من الأيام، بحادث سيارة، أو وفاة شخص قريب منك، او تفقد عملك، او حتى تتعرض لأزمة مالية كبيرة، كلها أحداث غير متوقعة، ممكن تفشلك كل مخططاتك وتحطك بطريق غير تمامًا عن الي رسمته الك.
أشخاص قليلين جدًا الي بحطوا خطط بديلة لخططهم،
بس قوة الإنسان ما بتكمن ب انك تحط خطة بديلة، قوة الانسان بتكمن انك تقدر ترجع تقعد مع نفسك، وترجع تحط خطط جديدة، وتكون قادر انك تكمل من أي نقطة، من أي نقطة الحياة بتحطك فيها !
#براءة_نون
التعليقات