دي قصه حصلتلي من يومين حبب اني اشركم فيها هكتبها بلغه عمية
كنت قاعد في الشغل زي كل يوم و كان المغرب تقريبا قدامه ساعه إلا ربع و كنت هقوم اقفل علشان أطلع و أفطر و لافاجئ بشخص غلبان داخل عليا المحل المهم انه زيت الباب الحديد و جالي علشان اديله اللي فيه النصيب ادتله اللي في النصيب و قلت له ادعيلي دعوه حلوه و اتفجئت انه ابكم بس هو سمعني كويس و رفع ايده فعلا و دعى لي انا في اللحظه دي عنيا دمعت فاشرلي بمعني بتبكي ليه قلت له شوية مشاكل مزعلاني علشان الدنيا مش مشية كويس مسك القلم و كتب في الكشكول الرزق يأتي مع الصبر و كتب جنبها صبر أيوب كنت عايز اتكلم و اقوله و الله انا صابر و لكنه قطع كلماتي بكتابه تانية بتقول كل يوم ربنا ليعطي لكل إنسان رزق انت فتحت و عملت اللي عليك لازم ربنا يرزقك مش عارف لكن عيني دمعت اكتر فقعدنا نتكلم هو بيكتب و انا بتكلم فكتب انت منين جوبته و لكن من كلامه مكنتش قادر امسك دموعي علشان كده رد وقالي ليه بتبكي كنت بمسح دموعي قلتله عادي قلي بابا فين قلتله في البيت فقلي ماما قلتله برضوا في البيت فرد و قالي طيب انت ليك سند لماذا تحمل هم معرفتش ارد عليه ليكمل قائلا لك كام أخ قلتله اتنين و انا أكبرهم فقلي المحل ده ملك و لا ايجار فقلتله ايجار فقال هل انت بتبيع قلتله مش قوي فقلي عايز تبيع كويس قلتله أكيد اه فقالي عليك اولا تصلح العلاقه بينك و بين ربنا و كمل ربنا بيختبر صبرك و بعد كده هتفرج ومع كل كلمه كانت بتنزل عليا زي قطرات الماء البرد و معاها بتنزل دموع كتير قلي قوم اتحرك في المحل كده علشان اللي يشوفك من بره يجيلك و كتب جمله صعبه اوي كتب الحياه لا تقبل الاستسلام و بعد كده كتب تعرف انا خريج ايه سألته فطلعلي بطاقته و كان خريج تجارة فقلي علي الأقل عندك بيت تقعد فيه و محل بيجبلك أكل عيشك قلي انا مفيش خالص زي ما انت شايف كان هو بيتحرك و بياشرلي علشان اركز مع حركاته و كمل و لكن انا الحمدلله مبسوط وقالي انا مش عارف اشتغل علشان مبتكلمش علشان كده زي ما انت شايف بحاول اجمع مبلغ علشان اشتري شقة و اعمل فلوس علشان اتجوز من مفيش بعمل المستحيل كل ده كان بيقوله و انا ساكت و ببكي بكل ما عندي و حسيت قد ايه انا مقصر في حق نفسي و في حق ربي و بعد كده ابتسم و قلي حتى احصل على الممكن و بعد كده كمل و قال محدش هيمسح دمعتك لا ابوك هينفعك ولا امك كلنا هنموت و هيجلهم يوم و يموتوا و يتركوك وحدك و قال حاول تبقى أقوي من كده حاول الاعتماد علي نفسك علشان في يوم هيكون فيه اللي بيعتمدوا عليك و بعد كده سلم عليا و مشي ان سعتها كان اصبني الخرس مكنتش قادر ارد او ابرر كانت حججي كلها واهنه بالنسبه لكلماته فضلت بفكر ازاي انا كده و ازاي ان ربنا لم حس اني زعلان بعت لي حد يخفف عني و يفكرني ان ربنا دايما حاسس بينا و عارف كل اللي احنا فيه بس بيمهلنا علشان نصبر الحمد لله انا قررت اني مش نخلي أي حاجه تانيه تزعلني
انا هرضى بكل اللي ربنا هيجيبه و دائما هيكون حامد و شاكر لفضله عليا و مش هنسى الراجل ده اللي بجد كان علامه فارقه في تفكيري ربنا يجزيه بكل الخير و يوفقه في مسعاه شكرا أيها الغريب لقد تركت داخلي أثرا ساحمله بقلبي من الآن
التعليقات
جميلة جدا و انا كمان اتئثرت بالقصة و بإذن الله ربنا هيكرمك .