اي حاجة عايز تعرفها. استفسر عنها بسؤال ولو قررت تأخذ سكه الظن.. فظن الاحسن دائما لحد ما يثبت العكس.
لا تضع افتراضات. ابحث عن الشجاعة لطرح الأسئلة والتعبير عما تريده حقًا. تواصل مع الآخرين بأكبر قدر ممكن من الوضوح لتجنب سوء التفاهم والحزن والدراما. مع هذه الاتفاقية فقط ، يمكنك تغيير حياتك بالكامل. دون ميغيل رويز
لما تطرح سؤال على شخص اوعي تفترض اجابة...
لما تشوف حد بيأخذ قرار اوعي تفترض اسباب من عندك....
بمنتهى البساطة عايز تفهمه كويس، وتتعرف عليه، أسأله، دية أحسن خدمة ممكن تقدمها ليه
اساله ليه انت عملت كده؟
ليه فكرت بالشكل ده؟
ليه اتصرفت بالطريقة دية؟
ليه أتكلمت الكلام ده؟
صدقني هتتتفاجئ بالإجابة، وهتستريح وتريحة معاك. حيث انه مش هيكون طول الوقت عايش تحت ضغط افتراضاتك الوهمية اللي معظم الوقت بتبقي غلط، و يجتهد دائما لأثبات عكسها ليك.
حاول دائما أنك تبحث عن الصراحة والوضوح على قدر الامكان فى علاقاتك مع الناس، حتى فى علاقتك مع نفسك. خليك واضح، ده هيسهل عليك فهم نفسك وبالتالى فهم الناس ليك
" العالم سوف يراك كما ترى نفسك.."
في الختام، بلاش افتراضات لأنها زي النمل الابيض اللى بيخرب كل شيء. ومخادعة للواقع... وبتكون دائما غلط وده لأنها معظم الوقت بتتجه لأسوء "الظنون"
اي حاجة عايز تعرفها. استفسر عنها بسؤال ولو قررت تأخذ سكه الظن.. فظن الاحسن دائما لحد ما يثبت العكس.
التعليقات