الزيتون وفوائده

بما انه احنا نعتبر بموسم الزيتون حابة احكيلكم شوي عن الزيتون هذه الثمرة المباركة واللي ربنا ما ذكرها بالقرآن من فراغ فيها فوائد عديدة

بما انه احنا نعتبر بموسم الزيتون حابة احكيلكم شوي عن الزيتون🏻

الزيتون :

هذه الثمرة المباركة واللي ربنا ما ذكرها بالقرآن من فراغ فيها فوائد عديدة

•اولاً يحتوي الزيتون على ١١٪؜_١٥٪؜ دهون ٧٤٪؜ منها هوة ال اوليك اسيد اللي هوة المكون الرئيسي لزيت الزيتون وطبعاً اوليك اسيد ما تتخيلو فوائده بمحاربة السرطانات ومقاومة الالتهابات وحتى كمان بيقلل من مشاكل القلب .

يعتبر الزيتون مصدر ممتاااز للمعادن والفيتامينات منها :

-فيتامين e واللي بنسميه فيتامين الجمال والمتعارف ايضاً عن فيتامين e انه من اقوى مضادات التأكسد يعني رح يأمنلنا حماية كبيرة للخلايا من الضرر

.يعتبر الزيتون الاسود مصدر ممتاز للحديد المهم جداً لخلايا الدم الحمراء عشان تنقل الاكسجين ️

-غني بالكالسيوم المهم جداً لصحة العظام والعضلات والاعصاب .

-غني بالنحاس للحماية من مشاكل القلب

•الزيتون يعتبر من اكبر المصادر الهاااامة لانواع عديدة من مضادات التأكسد 🏻

•مفيد لصحة القلب

•مفيد لصحة العظام والوقاية من هشاشة العظام بعض الدراسات اثبتت انه نسبة الاصابة بهشاشة العظام بالشرق الاوسط اقل من نسبة الاصابة في اوروبا وهاد بيرجع لادخال زيت الزيتون بالاكل بمنطقة الشرق الاوسط بشكل اكتر .،

•حماية من السرطانات لما يحتويه من مضادات الاكسدة العديدة

•يقوي مناعة الجسم

•اعطاء طاقة للجسم

•مهم لتحسين الهضم

•بعض الدراسات اثيتت انه بيزيد من الخصوبة

•ما بنقدر ننكر انه الزيتون مفيد للبشرة

فالزيتون بيساعد بتأخير علامات تقدم السن بالبشرة بسسب احتواءه على الاوليك اسيد ومضادات الاكسدة العديدة متل ما سبق وذكرت

وايضا بيساعد على ترطيبها وتغذيتها ونعومتها وبرضه رح تستغربو اذا رح احكيلكم انه بيحارب الحبوب بالوجه لانه بيحتوي على مواد مضادة للبكتيريا

•الزيتون مفيد جداً للشعر ولصحته ولمعانه وحيويته

•بعض الدراسات اثبتت انه مفيد لمعالجة التبقعات لانه بيحتوي على مواد بتسرع تجديد الخلايا وبرضه لما ندهنه على الجسم رح يخفف من علامات تمدد الجسم

شو احكيلكم كماااان الفوائد فعلاً مو قادرة اكتبها كلهاااا لانه ما رح اخلص

((مراجعي اللي رجعتلها )):