لا يهم مالذي إمتلكته من عاداتٍ مُفيدة الأهم هو إلي أي مدي إستطعت الإلتزام بها ، وهو ده موضوع التدوينه إزاي تلتزم بالقرأة لتطوير نفسك

: هو أنا عايزه أقرا بس معنديش شغف خالص و مش عارفه حتي أبدأ إزاي و أحياناً بحس الموضوع مملل أوي ؟


(( الشغف )) بشكل عام إتجاه أي شئ في الحياة بينبع من حاجتين الحب و الرغبة في الإكتشاف .

فكرة إنك عايز تبدأ قرايه و إنك عايز تخوض في حاجه زي كده ده فى حد ذاته شغف بس من بند الرغبة في الإكتشاف طب إزاي بقا أخلي في الموضوع حب عشان أتقبله ؟


إن أنا أختار حاجه أكون بحبها جداً أقرا عنها ، مفيش مجال موجود في الحياة نعرفه متكتبش عنه كُتب من أول علم النفس و الأنثروبولوجي و الباراسيكولوجي والفلسفة و التاريخ والأدب و الشعر .. الجرائم البوليسيه و حتي الأغاني و السينما و الرقص و الطبخ و الرسم .... إلي أخره ، القراية مش عقاب أو دراسه بس بشياكة ..(( لا )) القراية هي وسيلة لأنك تعيش في الحاجه الأنت بتحبها و تعرف عنها أكتر تعيش في أكتر من بُعد إنت في الواقع مش ها تقدر تعيشه فمتحرمش نفسك من مُتعه زي كده (( القراءة )) هي النشاط الوحيد التقدر من خلاله تستمتع و تطور من نفسك فإشتغل علي نفسك من خلال الكُتب علي أد ما تقدر


دي شوية نصائح للبداية :

1– انا خلاص جبت كتاب و ليكن في مجال الفلسفة و بدأت أقرأ .. قرأت أول عشرين صفحة معجبنيش ها أقفله ما دام مش حابه مش ها أكمل هو مش عقاب ده للتسليه فلازم أختار الكتاب بتركيز شوية عشان كل ما كان الكتاب ممتع كل ما حببني في الموضوع و زود شغف القراءة عندي


2– بلاش الموضوع يمشي بعشوائية بمعني!؟ .. إحنا بنلتزم بالشئ لما بيكون عبارة عن بند مكتوب قدامنا حط لنفسك هدف مثلاً — لو دي أول سنة ليك في القراءة — إنك عايز تقرأ ٣ كُتب خلال السنة و ده لازم يتكتب سواء كنا بنستعمل ال notes بتاعة الموبايل أو المُفكرة الورقية الخاصة حتي لو تخطيت الهدف ده و قرأت مثلاً ٦ كُتب متغيرش الرقم الكتبته إنت خلاص حققت هدفك و تخطيته و ها نزود كُل سنة بس بمعدل إحنا ها نقدر نحققه يعني متبقاش أول هدف ليك ٣ كُتب و بعدين تقول السنه البعدها أنا عايزه أقرا ١٢ كتاب لازم الأهداف الها نحطها لنفسنا تكون قابله للتنفيذ عشان منحسش بإحباط لو متنفذتش


3– في حاجه ها نعاني منها مع مرور الوقت زي أسعار الكُتب أنا شخصياً مبستمتعش بالقراءة الإلكترونيه نهائي فكان لازم أشوف حل أزود بيه مُعدل الكُتب مع ثبات النسبة الأنا مخصصاها ليها...

في صفحات كتيييير بتعمل عروض علي الكُتب علي الفيس بوك و أصبح من السهل إنك تشتري أونلاين أى كتاب انت محتاجه ممكن تطلبه و بأرخص سعر فلم تعد تشكل مُشكلة حالياً


4–ونيجي بقا لأهم مُشكلة كُلنا مش بنستمر — و إلا حتي أنا — طبعاً ده نتيجة المسئوليات و المشاغل ده غير الناس البتشتغل بيحصل كده حالة (( أصلي معنديش وقت )) من الطبيعي إنك توقف حاجه لفترة أنت كنت مشغول فيها بس ترجع تاني للحاجه الإنت سيبتها دي طب لو أنا وقفت أو مشغول إزاي أرجع تاني ؟


مبدئياً كده لو مشغول مفيش حد مننا مبيركبش مواصلات ده حتي في كتاب إسمه كتاب المواصلات خلي معاك الكتاب في الشنطة و إقرأ خلال التنقل بتاعك ولو عشر دقائق الصبح على الأقل ها يبقي عندك إحساس .. أنا قللت بسبب الوقت بس موقفتش و العشر دقائق دول يخلوك تخلص(( كُتب)) عشر دقائق كل يوم لمدة شهر ب ٣٠٠ دقيقة يعني ٥ ساعات قراءة في الشهر .. يعني ٦٠ ساعة قراءة في السنة يعني تقدم لشخصيتك و عقلك لا يمكن الإستخفاف بيه





AYA NASR

ألهمني ألهمني أضف تعليقك

التعليقات

إقرأ المزيد من تدوينات AYA NASR

تدوينات ذات صلة