الكاتب Kevin Daum كتب مقال فى مجلة Inc. بيتكلم فيه عن الناس القنوعة اللى بترضى بأقل حاجة يعنى
والحقيقة إن المقال ده لمسنى جداً لأنى من النوع ده من الناس اللى بترضى بأقل حاجة وأقل حاجة أو تجديد بيفرحها جداً.
المقال كان بيتكلم عن ٧ حاجات مشتركة بين النوع ده من الناس زى :
⠀ إنهم بيستغلوا كل الفرص اللى بتتقدملهم لأنهم بيقدروا كل حاجة متاحة ليهم.
⠀ إنهم شاطرين فى إتخاذ القرارات وده لأتهم مش متسرعين وبيصدقوا إحساسهم، مش بيضيعوا وقت كتير فى الندم على اللى فات وبيتقبلوا عواقب قراراتهم بكل سعادة.
⠀ إنهم عارفين قدراتهم كويس، عارفين هم عايزين إيه وقادرين يعملوا إيه ونتقبلين كل ده جداً علشان كدة لما بيعملوا أى إنجاز بيحسوا برضا أكتر وقناعتهم بتزيد.
⠀ توقعاتهم منطقية جداً فى الناس اللى حواليهم، القناعة اللى عندهم بيتخليهم مايتعشموش زيادة فى حد وبيكونوا ممتنين لكل حاجة عندهم.
⠀ بيدوا أكتر مابياخدوا وده لأنهم بيحسوا بالرضا والامتنان لما بيسيبوا أثر إيجابى فى اللى حواليهم.
⠀ التعليم بالنسبة لهم أولوية، ولأن أكتر سبب للإستياء اللى هو عكس الرضا إن العالم بيتقدم بسرعة فاحساس الرضا عندهم بيزيد لما بيواكبوا العصر اللى عايشين فيه ويتقدموا معاه.
⠀ بيعرفوا إزاى يرموا ورا ضهرهم، سواء اتعرضوا لغضب أو استياء أو امل ضايع بيعرفوا يخلصوا منه بسرعة وبيطلقوا سراحه، ماشيين بمبدأ Let it go.
طيب لو انتى مش من الناس القنوعة دى إزاى تبقى زيهم؟
فى مقال تانى كتبه الكاتب Eric Barker فى مجلة TIME قال فيه علشان تبقى شخصية قنوعة وبترضى بأقل حاجة فانت محتاج تهتم بجوانب معينة فى حياتك منها:
- الأصدقاء: أصدقائك القريبين قادرين يزودوا رضاك عن حياتك بنسبة ٢٠٪
- الاهداف: الناس اللى عندها أهداف فى حياتها وبتسعى لتحقيقها برده رضاهم عن حياتهم أزيد بنسبة ٢٠٪ عن اللى معندهمش أهداف.
- التعلم المستمر: الناس الكبيرة اللى بتفضل تقرا وتتعلم بيكونوا راضيين عن حياتهم أكتر من الناس اللى بتبطل تتعلم فى مرحلة ما فى حياتهم.
⠀
قولولى بقى انتوا من الناس الراضية القنوعة دى ولا لا؟ ولو اه إيه أكتر صفة من اللى فوق دول فيكوا ؟
التعليقات
نتمنى جميعا ان نكون من الاشخاص القنوعين في الحياة