الحقيقة الغريبة إن الضحك والبكاء الاتنين ليهم نفس الفوائد الفيسيولوجية على صحتنا.
واللى أقصده بالبكاء هنا مش الحزن والهم ولكن أقصد بيه تفريغ الطاقة السلبية والتخلص من الضغط النفسى اللى جوانا فى صورة دموع.
الضحك والبكاء، الاتنين، بيقللوا هرمونات الاجهاد وبيخفضوا ضغط الدم لكن البديهى إن فوائد الضحك أكتر بكتييير من العياط في التدوينة ده هقولكوا على ٥ منهم.
١- الضحك بيقلل ضغط الدمفي دراسة اتنشرت سنة ٢٠١٧ في مجلة طب الأسنان والأبحاث الطبية عملها مجموعة من الدكاترة من جامعة إيرانية اسمها شاهيد بيهيشتى على ٤٠ مريض بيعانوا من الفشل الكلوى، لمل فرجوهم على عروض كوميدية لمدة ٣٠ دقيقة على مدى ٨ أسابيع لاحظوا انخفاض ملحوظ في ضغط الدم.
٢- الضحك بيقلل التوتر ومشاعر سلبية تانيةفي دراسة عملها ٣ دكاترة من جامعة اسلاميك أذاد في إيران برده سنة ٢٠١٧ على مجموعة من المصابين بمرض باكينسون وده مرض عصبى أكدت إن الضحك ساعدهم على تقليل التوتر والإحباط، ودراسة تانية اتنشرت في المجلة الإيرانية لأبحاث التمريض والولادة سنة ٢٠١٤ أكدت إن الطلبة في كلية التمريض لما مارسوا يوجا الضحك بقوا متفائلين أكتر وتقديرهم لنفسهم زاد.
٣- الضحك بيقوى جهاز المناعةفي دراسة اتعملت سنة ٢٠١٥ على الأمهات بعد الولادة واتنشرت في مجلة الطب البديل والتكميلى أكدت إن الأمهات اللى بيضحكوا أكتر نسبة الأجسام المضادة اللى بتزود من مناعة الطفل في لينهم أعلى من الأمهات اللى مش بتضحك كتير وخصوصا اللى عندهم اكتئاب ما بعد الحمل.
٤- الضحك مضاد طبيعى للإكتئابفي دراسة اتعملت سنة ٢٠١٥ في قسم التمريض بمركز آسان الطبي في كوريا على ٦٢ مريض منهم مرضى اكتئاب وسرطان أكدت إن ٣٠ دقيقة جلسة علاج بالضحك حسنت الاكتئاب عندهم وحالات المزاج السلبية.
٥- الضحك بيساعدك تتنفس بشكل أفضلفي دراسة عملها دكتور William Fry من جامعة مينيسوتا الأمريكية سنة ٢٠٠٩ أكدت إن الضحك بيزود معدلات ضربات القلب ومعدل التنفس واستهلاك الأكسجين كانك عملتى تمرين يعنى لو قدرتى تضحكى كل يوم ٣٠ دقيقة مستمرة مش هتحتاجى تروحى الجيم وده برده اللى أكدته دراسة تانية سنة ٢٠١٤ إن الضحك بيحرق سعرات حرارية.
ماتنسوش بقى تشكروا كل اللى بيضحكوا من قلبكوا.
التعليقات