ستحقق حلمك و ستكون كما تريد أن ترى نفسك

خليك صريح تماما مع نفسك . هل انت عايش الحياة اللى نفسك فيها؟

خليك صريح تماما مع نفسك

. هل انت عايش الحياة اللى نفسك فيها؟

لو بصيت لعشر سنين فاتت انت راضي عن حياتك الآن؟

هل حققت أحلامك؟

بتعمل الحاجات المهمة بالنسبة لك؟ هسألك اسئله اصعب شوية .انت مستنى ايه؟ مستنى معجزة أم منتظر من ينقذك أم تشعر أنك ضحية لكل ما يحدث لك.

شايف إن العمر فات و عدى و ما حققتش أحلامك و الظروف هى اللى خلتك كدة و إنك مجبر على الحياة دى هاقولك حاجة مهمة قوى مفيش حاجة تمنعك و لا عمر ولا وقت و لا ظروف إنك تكون الشخص اللي نفسك فيه و إنك تحقق أحلامك. حاجة واحدة بس اللى يمكن تمنعك هى الموت . فى ناس كتيرة اوى قدرت تحقق أحلام و طموحات فى عمر كبير زى الكولونيل ساندرز قدر يعمل كنتاكي فى عمر ٦٢ عاما و روبين تشيز عملت أول شركة لها و عمرها ٤٢ عاما و ثروتها وصلت ل٥٠٠ مليون دولار.

أحكيلك أنا كمان مريت بتجربة شخصية بدأت ألعب تنس و عمرى ٢١ سنة كنت بالعب كرة قدم كويس جدا لما قررت ألعب تنس كان نفسى أكون لاعب تنس محترف. ناس كتير أوى قالت لي أنت بتحلم دة مستحيل دة وهم اللعبة محتاج تلعبها و عمرك ٤ أو ٥ سنوات. فى عمري ٢١ عاما لاعبين كتير بتنتهي مسيرتها أو بتكون أبطال ما همنيش حد .بدأت أتدرب ٤ و ٦ ساعات يوميا .المهم إنى أعمل حاجة زيادة عن الناس. فى عمر ٢٣ عاما قدرت أصل لتصنيف عالمى و لمستوى صعب الوصول إلية فى هذا الوقت .كنت كل يوم باخد خطوة لقدام .أهم حاجة عندى أسبق بخطوة و احاول اتحرك حتى لو بشعر بيأس و لا أشعر بنفس الحماس الذى كنت أشعر به من قبل.

حتى لو الظروف المادية صعبة أو الظروف صعبة تقدر تعمل أى حاجة ممكن تعمل خطة إنك أى جزء من فلوس شغلك بدل لما تصرفوا على حاجة تانية خروجة أو فسحة أو أى شئ ترفيهى ،حافظ عليه لحلمك و هدفك. خد خطوة حتى لو بسيطه حتى لو محبط .أعمل خطة لنفسك ،ماتضيعش فرصه تجيلك. كل خطوة هتاخدها حتى لو بسيطة هتلاقى نفسك مع الوقت حققت جزء كبير اوي من حلمك و فى الأخر هاتكون الشخص اللي نفسك فيه.

الحاجة الوحيدة اللى هاتخليك تحقق حلمك إنك تبتدى حالا دلوقتى مش بكرة و أبتعد عن كل من يعطيك طاقة سلبية و حاول أن تكون إيجابي و أن ترى الأشياء الإيجابية حولك. ستنجح فى النهاية.