كتابي الأول مضارع بسيط عن تعقيد البسيط وتبسيط التعقيد
في مضارع بسيط ♥
هانمشي مع بعض خطوة خطوة..
من أول طوبة بتتبني في شخصية الفـرد ولحـد ما يكوّن علاقات.. علاقته بنفسه وعلاقته مع الناس.
عن التربية وإزاي هي عامل أساسي في بناء الشخصية وتكوين فكر الأفراد .. وإزاي ممكن تكون
فيما بعد مصدر للمتاعب والإضطرابات النفسية..
عن ضيوف الشرف اللي دورهم في حياتنا ثانوي .. وجودهم شكلي وبس مافيش أي دور فعلي ليهم
وعن اللي بيحصل وراء الكواليس في علاقتنا ببعض وكم الخداع اللي بنخدعه لنفسنا ولغيرنا وإزاي
هاتتكشف وهاتقدر تكشف اللي حواليك.
عن التهاون بقدسية العلاقات وانتهاك حُرمة الروابط اللي جمعتنا ببعض .. عن تتر نهايات العلاقات.
عن علاقتك بيك.. عن نفسك اللي مابترحمهاش وبتضغط عليها وبتمارس معاها دور الجلاد ..
عن المناوشات والمناورات وحروب استنزاف الطاقة والفكر والضغوط النفسية في العلاقات ..
عن الغموض والشفرات والطلاسم والأحجيات ..
عن الفرصة اللي بنضيعها .. عن الناس اللي مش حاسين قيمة وجودها ..
عن الخوف من اللي كان واللي هايكون .. عن الهروب من المواجهة ..
عن سر العلاقات اللي بيننا والحكايات والبدايات والنهايات ..
عن الضلمة اللي عايشين فيها عن التشاؤم واليأس والإحساس بالفشل ..
عن العنف الغير مبرر مع الغير ومع نفسنا ..
عن تعقيد البسيط..
هاتكلم بلسانك وبقلبك وبعقلك .. هاتفهم غيرك وهاتقرب من نفسك ..
هانبسّط التعقيد .. ونقرب البعيد.. في مضارع بسيط.
لا تنس وضع تقييمك للكتاب على موقع GOODREADS.
للحصول على الكتاب برجاء التواصل على حسابي على فيسبوك
التعليقات