اتعرف على عائلة فوجيت (أصحاب البشرة الزرقاء ).. عائلة أشبه بالسنافر
كتير مننا كان بيحب كارتون السنافر .. واتعلق بيهم وبمغامراتهم
طيب هاتعمل إيه لو عرفت إن السنافر في ناس زيهم ؟! ناس تشبهلهم لون بشرتهم أزرق!
الناس دول إسمهم ال Blue_fugates بلو فوجيتس أو عائلة_فوغيت.. السنافر الحقيقيين..
مارتن فوجيت رجل فرنسي يتيم الأبوين اتنقل من دولة فرنسا لضفاف نهر الكريك شرق ولاية كنتاكي سنة 1822 ..وهناك قابل السيده اليزابيث سميث واتجوزها وانجبوا سبع أطفال ..تلاته منهم شبه مامتهم بشرتهم عاديه وشعرهم أحمر وأربعة من الأطفال شبه والدهم بشرتهم (زرقاء) أيوه لون بشرتهم أزرق!!
للأسف عائلة فوجيت كانوا معرضين للعنصرية والتنمر والإستبعاد من الناس بسبب لونهم ..وده خلاهم منعزلين تماماً عن الناس لدرجة إنهم ومع الأسف اتجوزوا بعض سواء إخوات أو أعمام وعمات وهكذا!!
كبر شوية عددهم والنسل توارث اللون الأزرق برده!
في الستينيات وبعد ماسمع عنهم طبيب إسمه ماديسون كاوين قرر يروح ليهم ويفهم القصة ويحاول يوصل للسبب سبب البشره الزرقاء .. وقررت الممرضة روث بندرغراس انها تسافر مع ماديسون كوين وتساعده في مهمته. وهناك في شرق ولاية كنتاكي قابل دكتور ماديسون كاوين اتنين من العيلة دي ( عائلة فوجيت أصحاب البشره الزرقاء ) وهما باتريك وراشيل ريتشي.
وبعد البحث والتحليل اتوصل دكتور ماديسون إلى إن مارتن فوغيت عنده حاله وراثية نادرة بتغير لون الجلد والشفايف للون الأزرق والحاله دى إسمها متهيموغلوبنية .. والحاله دي بتخلي مستوى الميثوغلوبين يعلى أو يرتفع في الدم وبعدها يتحول الجلد للون أزرق بسبب نقص كبير في عدد كرات الدم الحمراء.. والدم لونه بيكون بني بسبب افتقار الجسم لإنزيم إسمه diaphorase والإنزيم ده بيقلل من مستوى الميتهموغلوبين في الدم.
حاول الطبيب ماديسون كاوين يعالجهم بمادة الميثيلين الأزرق ..لكن كان بمجرد خروج المادة دي أو الميثيلين مع البول كان بيرجع لونهم زي الأول تاني أزرق.
ويقال إن مافيش من العيلة دي تاني دلوقتي.
التعليقات
أهلا مي.. أتمنى تنال مدوناتي إعجابك دايماً
أضافت لي معلومة جديدة