معلومات عن القهوة قد تكون تسمعها لأول مره.. اتعرف عليها
بتشربها إزاي ؟؟ أمريكي تركي فرنساوي لاتية بالموكا
ساقعه سادة ع الريحة سكر زيادة مظبوط
سعودي خليجي
إيطالي ألونجاتو، ماتشينو، روبيو، فربيتشينو، اسبريسو، كابوتشينو، ريستريتو، كريما؟! حسب الدراسات..
#القهوة هي تاني أكتر مادة مبيعاً في العالم بعد النفط!
و إن العالم كله بيستهلك سنوياً حوالي 500 مليار كوبايه قهوة
فنجان القهوة الواحد بيحتوي علي من 100 ل 150 ملل جرام كافيين ونص الكمية دي في النسكافية.
وفي دراسة بريطانية نقلتها وكالة رويترز سنة 2017 بتقول إن #القهوة بتقلل من الإصابة بمرض السكر
و أمراض الخرف والكبد وبعض أنواع السرطان والزهايمر لأنها بتحتوي علي مادة trigonelline واللي بتساعد علي حماية الأعصاب،
ومن دراسة تانية من جامعة كورنيل قالوا إن مضادات الأكسده في القهوة بتمنع تلف الشبكية والجلوكوما،
واتنين فنجان بتقلل من خطر الإصابة بتليف الكبد بنسبة 43% وكمان بتزود نسبة حرق الدهون. أما النسكافية أو القهوة سريعة الذوبان خطر بسبب إن الطريقة اللي بتتعالج بيها بتكون فيها مادة الإكريلاميد مادة مسرطنه! حلو أوي كل ده...
شربت قبل كده قهوة في Startbuck#coffee
من حوالي 3 سنين عرفت خبر كان مفاجأة.. وهو إن ستاربكس بتقدم قهوة مصنوعة من
روث الأفيال!!!
منظمة الأغذية الأوروبية نشرت تقرير بعثورها علي بقايا براز فيل في منتجات ستاربكس
وبالفعل أصدرت ستاربكس بيان بتعترف فيه بإستخدام القهوة مستخلصة من روث الأفيال عشان بتدور علي نكهات جديدة للقهوة
وتعهدوا انهم يقدموا نكهات تانية جديدة.
صاحب الفكرة المجنونة دي هو رجل أعمال كندي إسمه بلاك دينيكن صاحب مؤسسة فيله المثلث الذهبي الأسيوي في تشاينغ ساين شمال تايلاند..
واللي ابتكر قهوة العاج الأسود أو الBlack Ivory واللي بتعتبر من أغلي أنواع قهوة في العالم والكيلو جرام منها سعره حوالي 1100 دولار!
ليه ؟لأنهم بيأكلوا الأفيال 33 كيلو قهوة واللي بيستخلصوه بس واحد كيلو جرام ! تخيلوا .. المهم قرر انه يستخدم الأفيال في صناعة القهوة... إزاي؟؟
بيقوموا بتربية أفيال في محمية خاصه بيراعوهم وبيتم تقديم حبات القهوة مع الأعشاب والفاكهه والكريز عشان تاكلهم وبعد تلات أيام لأنها بتاخد وقت حوالي من 15 ل 70 ساعة
تتهضم في بطن الفيل.. بتقوم الأفيال بعملية الإخراج ويبدأوا بفصل حبوب القهوة عن ال... ال... البي بي
خلاص بقي مش هانتفاجئ !! وبعدها بيقوموا بتحميصها بدقة عالية جداً وتخميرها و تعبئتها! ليه الفيل بالتحديد
لأنه نباتي ولأن معدته فيها انزيمات و مواد تخمير بتكسر مادة السليلوز من أي حاجه بتدخل معدتها
فابتفصل السكر عن حبات القهوة وكمان بتفصل عنها البروتين اللي بيسبب مراره القهوة
واللي بتخلي الناس يشربوها من غير سكر..ومن خلال إستطلاع رأي عملته محطة ان بي آر الإذاعية الأمريكية للناس عن طعم القهوة دي
كان رأيهم إن طعمها مزيج من القهوة والشاي و ريحتها وكأنها بالزهور والشوكولاته الممزوجه بالكريز !
طيب هل الأفيال بتتعرض لأي خطر أو مرض بسبب كمية الكافيين اللي بتاكلها؟ الحقيقة لأ..
و ده لأن أجسامها مش بتحفتفظ بماده الكافيين أصلاً..وطبعاً الشركة عشان تحافظ علي الأفيال ولأنها مصدر رزقها
خصصت 8% من نسبة أرباح البيع لجمعيات رعاية و إنقاذ الأفيال !
تفتكروا الموضوع وقف عند الفيل لأ.. في اندونيسيا بيصنعوا قهوة غالية جداً وهي #copi_luoak من براز حيوان اسمه الزباد
من فصيلة القطط وبيتم إنتاج 500 كيلو جرام بس منها سنوياً والكيلو سعره يتراوح من 100 الي 600 دولار
..و الفنجان منها سعره من 35 ل 100 دولار
وبيتم إستخراجها ومعالجتها بنفس الطريقة اللي بتحصل مع الأفيال ولكن الفرق هنا إن الزباد بياكل اللحوم!!
خلصنا حكاية الفيل وحكاية الزباد هاحكيلوا بقي حكاية الClear coffy أو CLR CFF
ديفيد ناجي و آدم ناجي إخوات سلوفاكيين عايشين في لندن.. إخترعوا قهوة شفافه بدون لون عشان يمنعوا تصبغ الأسنان
وطبعاً صرحوا انهم بيفصلوا القهوة عن اللون بطريقة معالجة فيزيائية وبدون دخول أي مواد كيميائية أو مواد حافظة أو ألوان صناعية...
فرصة للي عايز يحافظ علي أسنانه..نيجي بقي لقهوة #Death_wish أو الرغبة في الموت
صاحب الشركة الأميريكي مايك براون قال إن القهوة بتتصنع بإستخدام النيتروجين وبتعجب الناس عشان رغوتها الكثيفة وفقاعاتها القليلة...
ولكن ليها مخاطر علي المدي البعيد لأن النيتروجين بيسبب بكتيريا بينتج عنها مادة اسمها البوفولين
و دي بتتسبب في تسمم غذائي اسمه التسمم الوشيقي و من أعراضه.. الوهن و الدوار وصعوبة البلع وصعوبة الكلام.
وبكده انا خلصت حكاياتي عن القهوة..
انت بقى بتشربها إزاي؟؟
التعليقات