خطوات بسيطة،، لتعليم اون لاين أبسط، أسهل وأمتع .بلغة بسيطة وقريبه للقلب
صباح الخير،
عشان أطفالك يبلشوا الحصة الأولى مرتاحين، ومبسوطين
١.صحيهم قبل بوقت كافي.
٢. الفطور - كاسة الحليب - الفواكة او الروتين الصباحي اليومي مهمين لحتى يصحصحوا ويكونوا راقين للحصة الاون لاين.
٣.ترتيب التخت اشي كتير مهم و فتح الشبابيك، خلي الشمس تفوت على الغرفه والطاقة الإيجابية تفوت معها، رح يعطي طاقة للطفل، لانه ما تنسى انه كان يروح عالمدرسة ويكون في وقت كافي قبل الحصة الأولى، يحكي مع صحابة ويتحمس و يصحح،
٤. المكان الي رح يدرس فيه كتير مهم يكون مكتب، طاولة دراسة وكتير مهم يكون مكان منعزل عن باقي البيت. بعيداً عن حركة اهل البيت وإخوانه.
٥َ ضروري كمان الطفل يحضر على جدول الدروس الافتراضية - الاون لاين الي رح ياخذها بهاد اليوم عشان ما يتوتر، اذا دفتره مش موجود أو مو لاقيه بالدقيقة الي قبل الحصة.. لانه هاد التوتر رح يخليه مو مركز في بداية الحصة وهيك ما رح يستفيد.
٥. رتبي هاي الطاولة او المكتب أو مكان الدراسة بحيث يكون عليه قلم رصاص، محاية، براية، مكان للبري، مسطره، قلم ماركر، ستكي نوت واي شي تاني ممكن يحتاجه.
٦.اعملي سناك صغير فواكة او ساندويشات او شي بحبو ياكله و اعطيهم اياه بعد الحصة الثالثة لانه تركيزهم بلش يقل وبكونوا بدهم اشي عشان يقدروا يكملوا باقي النهار.
٧.ما تنسى تفقديهم كل شوي.. تتأكدي انه الانترنت شابك، ما عندهم مشاكل تقنية وأكيد انهم مركزين ومش ملتهين.
٨.كلمات التحفيز و الحب لأطفال كتير مهمة، ما تنسى انهم قاعدين لحالهم ما عم يتواصلوا صح مع أصحابهم فكوني انتي الصديقة. بين كل حصة والتانية اضحكي معهم وغيروا جو
٩.خلينا سوا نتعاون بتعدي المرحلة واولادنا بتعلموا منيح وما بروح عليهم شي
تابعونا على انستغرام . @t3leemonline
#تعليم_عن_بعد #تعليم_في_زمن_الكورونا #onlineschoolingtips #mamay
#StayHome
التعليقات